20.05.2026 | 10:39
Հայաստանի Պրեմիեր լիգա․ «Նոայի» 8 գոլերն ու նախավերջին տուրի տեսաամփոփումը
Թուրքիայում իսրայելական Մոսադի ցանց են բացահայտել․ ձերբակալվածներ կան
Քաղաքականություն
02.02.2024 | 15:21
Թուրքիայում Իսրայելի հետախուզական ծառայության՝ Մոսադի նոր ցանց են բացահայտել։ Այս մասին հաղորդում է TRT Haber-ը՝ վկայակոչելով անվտանգության ծառայությունում աղբյուրներին։
Անվտանգության աղբյուրներից ստացված տեղեկատվության համաձայն՝ թուրքական հետախուզական ծառայությունը (MİT) պարզել է, որ Մոսադը մասնավոր խուզարկուների միջոցով հետևում է Թուրքիայում իր թիրախներին։ Հետաքննության շրջանակում, մասնավորապես, պարզվել է, որ իսրայելական հետախուզությունը մասնավոր խուզարկուների միջոցով իրականացրել է այնպիսի գործողություններ, ինչպիսիք են՝ կենսագրական տեղեկատվության հավաքագրումը, հետախուզությունը, հետաքննությունը, ֆոտո և վիդեո փաստաթղթավորումը, իրական ժամանակում հսկողությունը և հետևող սարքերի տեղադրումը։
Ստամբուլի Գլխավոր դատախազությունը պարզել է, որ բոլոր ինը կասկածյալներն իրենց ստացած տեղեկությունները վաճառել են Մոսադին մասնավոր հետախույզների միջոցով։ Ստամբուլի ոստիկանության վարչության հետախուզական ծառայությունը և ահաբեկչության դեմ պայքարի վարչությունը փետրվարի 2-ի առավոտյան գործողություններ են իրականացրել միաժամանակ Ստամբուլում և Իզմիրում։
Գործողության ընթացքում ձերբակալվել են 9 կասկածյալներից 7-ը, որոնց նկատմամբ կալանքի որոշումներ են կայացվել։ Պարզվել է, որ նույն նախաքննության շրջանակում նախկինում երկու կասկածյալ կալանավորվել են։
Նշենք, որ 2022 թվականի դեկտեմբերին թուրքական MİT-ն արդեն նմանատիպ գործողություն էր իրականացրել Մոսադի հետախուզական գործունեության դեմ, որի ընթացքում համապատասխան միջոցներ էին ձեռնարկվել 68 ձերբակալվածների նկատմամբ։
Էմմա Չոբանյան
