14.12.2024 | 19:57
Ինչ իրավիճակ է ճանապարհներին 19։35-ի դրությամբ
«Վաղուց արդեն հասունացել է Ադրբեջանի կառավարությանը պատասխանատվության ենթարկելու անհրաժեշտությունը»․ ԱՄՆ սենատորները բանաձև են ներկայացրել
Քաղաքականություն
02.02.2024 | 11:38
Ամերիկացի սենատորներ Էդ Մարքին և Բիլ Քեսիդին երկկուսակցական բանաձև են ներկայացրել՝ խնդրելով զեկույց ներկայացնել Ադրբեջանում մարդու իրավունքների վերաբերյալ՝ համաձայն Օտարերկրյա աջակցության ակտի 502B(c) բաժնի, հայտնում է ANCA-ն:
Բանաձևը պետքարտուղարությունից տեղեկատվություն է պահանջում Լեռնային Ղարաբաղի դեմ շարունակական ռազմական հարձակման ժամանակ մարդու իրավունքների ոտնահարումների վերաբերյալ, որոնք հանգեցրեցին Արցախի ողջ բնիկ հայ բնակչության էթնիկ զտումներին: Սենատորներ Մարկո Ռուբիոն, Գարի Փիթերսը, Էլիզաբեթ Ուորենը, Շելդոն Ուայթհաուսը, Բոբ Մենենդեսը և Փիթեր Ուելչը միացել են բանաձևին։
«Վաղուց արդեն հասունացել է Ադրբեջանի կառավարությանը պատասխանատվության ենթարկելու և խաղաղության ճանապարհը հարթելու անհրաժեշտությունը»,- ասել է սենատոր Մարքին:
«Ռազմական գործողությունները երբեք չեն եղել Լեռնային Ղարաբաղում խաղաղության և կայունության լուծումը։ Այս բանաձևը ճնշում է գործադրում Ադրբեջանի կառավարության վրա՝ պաշտպանելու մարդու իրավունքները և դադարեցնելու տարածաշրջանում էթնիկ հայերի դեմ հանցագործությունները: Մենք պետք է պաշտպանենք Լեռնային Ղարաբաղի ժողովրդի կամքը, իրավունքները և հիմնարար ազատությունները»։
