14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
ՌԴ Քննչական կոմիտեն պնդում է, որ Ուկրաինան «Պատրիոտ» համալիրի օգտագործմամբ է խոցել Իլ-76
Քաղաքականություն
01.02.2024 | 21:30
Ռուսաստանի Քննչական կոմիտեն տեսանյութ է հրապարակել, որը, ինչպես պնդում է գերատեսչությունը, նկարահանվել է Բելգորոդի մարզում Իլ-76 ռազմատրանսպորտային ինքնաթիռի կործանման վայրում։ Մոսկվայի տվյալներով՝ ինքնաթիռում եղել են ուկրաինացի ռազմագերիներ, որոնց տեղափոխում էին փոխանակման նպատակով։ Ուկրաինան, սակայն, չի հաստատել այս տվյալները։ Ռուսաստանի Դաշնության քննչական կոմիտեի տվյալներով՝ նրա աշխատակիցները պարզել են, որ ուկրաինացի զինվորականները ինքնաթիռը խոցել են Patriot հակաօդային պաշտպանության համակարգի միջոցով, փոխանցում է BBC-ի ռուսական ծառայությունը։
Ավելի վաղ նման հայտարարությունով էր հանդես եկել ՌԴ նախագահ Վլադիմիր Պուտինը։ Տեսանյութում, որը հրապարակել է Քննչական կոմիտեն, երևում են ձյան վրա ընկած բեկորներ։ Այնտեղ երևում են նաև հրթիռի առանձին մասեր՝ գծանշումներով, հայտնում է ՌԴ քննչական կոմիտեն։
Տեղեկացվում է, որ փորձաքննությունը պարզել է, որ հայտնաբերված բեկորները «ԱՄՆ Patriot համալիրի MIM-104A զենիթահրթիռային կառավարվող հրթիռի կառուցվածքային տարրեր են, որոնք մշակվել են Raytheon և Hughes կորպորացիաների կողմից և արտադրվել է Raytheon-ում»։
Ուկրաինան չի հաստատում, որ իր զինվորականները խոցել են Իլ-76 ինքնաթիռը, ինչպես նաև այն փաստը, որ կործանված ինքնաթիռում եղել են ռազմագերիներ։
Ուկրաինայի նախագահ Վլադիմիր Զելենսկին հայտարարել է, որ Կիևը պնդելու է միջադեպի միջազգային հետաքննություն։
Չորեքշաբթի օրը Պուտինը պատասխանել է այս հայտարարությանը՝ ասելով, որ Մոսկվան «խնդրում է» և «պնդում» է նման հետաքննություն անցկացնել, «սակայն չկան պաշտոնական կազմակերպություններ, որոնք ցանկանում են դա անել»։
