15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
ԵՄ-ն հաստատել է Ուկրաինային 50 մլրդ եվրոյի չափով ֆինանսական օգնությունը
Քաղաքականություն
01.02.2024 | 16:10
Եվրամիության անդամ 27 երկրները համաձայնեցրել են Ուկրաինային 50 միլիարդ եվրոյի չափով ֆինանսական օգնություն տրամադրելու ծրագիրը՝ որպես մակրոֆինանսական օգնություն։ Այս մասին X-ում հայտնել է Եվրոպական խորհրդի ղեկավար Շառլ Միշելը։
«Բոլոր 27 առաջնորդները պայմանավորվել են լրացուցիչ 50 միլիարդ եվրո տրամադրել Ուկրաինային՝ ԵՄ բյուջեից։ Դա կապահովի Ուկրաինայի կայուն, երկարաժամկետ և կանխատեսելի ֆինանսավորումը: ԵՄ-ն պահպանում է առաջնորդությունը և պատասխանատվությունը Ուկրաինային աջակցելու հարցում»,- ասվում է հայտարարության մեջ։
Ուկրաինային գումար հատկացնելու հիմնական խոչընդոտը Հունգարիան էր։ Ըստ Financial Times-ի՝ Բրյուսելը սպառնացել է, որ ԵՄ գագաթնաժողովի մասնակիցները հրապարակայնորեն կհայտարարեն վարչապետ Վիկտոր Օրբանի ոչ կառուցողական պահվածքի մասին և չեն ապասառեցնի Բուդապեշտի համար եվրոպական հիմնադրամներից ստացված գումարները։
We have a deal. #Unity
All 27 leaders agreed on an additional €50 billion support package for Ukraine within the EU budget.
This locks in steadfast, long-term, predictable funding for #Ukraine.
EU is taking leadership & responsibility in support for Ukraine; we know what is…
— Charles Michel (@CharlesMichel) February 1, 2024
