15.09.2026 | 18:03
«Քրոջս հաշվին եք ուզում «հողեր հետ բերել», որը զոհվել է 2022-ին՝ ծառայության ընթացքում»․ Ալխաս Ղազարյան․ ՏԵՍԱՆՅՈՒԹ
Բրյուսելյան գագաթնաժողովի մեկնարկին Ֆրանսիայի, Գերմանիայի, Իտալիայի ու ԵՄ-ի ղեկավարները հանդիպում են Օրբանի հետ
Քաղաքականություն
01.02.2024 | 16:59
ԵՄ անդամ երկրների ղեկավարները ժամանել են Բրյուսել՝ գագաթնաժողովի, որտեղ քննարկվելու է Ուկրաինային 50 միլիարդ եվրոյի չափով ֆինանսական օգնության փաթեթ հատկացնելու հարցը։ Այս քայլին դեմ է արտահայտվում Հունգարիայի վարչապետ Վիկտոր Օրբանը՝ նշելով, որ եվրոպական օգնությունը պետք է հաստատվի ամեն տարի, և որոշումը պետք է ընդունվի միաձայն:
Եվրոպական մյուս երկրները համաձայն չեն այս տեսաակետի հետ և պնդում են, որ Կիևին օգնելու որոշումը պետք է մշտական լինի:
Գագաթնաժողովին ընդառաջ՝ Օրբանի հետ հանդիպում են անցկացնում ԵՄ երկրների ղեկավարները։ Եվրոպական խորհրդի ղեկավար Շառլ Միշելը X-ում հրապարակել է հանդիպման լուսանկարը՝ գրառմամբ․ «Վերջնական հետհաշվարկ մինչև գագաթնաժողովը։ Խորհրդակցությունները շարունակվում են»։
Հանդիպմանը մասնակցում են Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը, Իտալիայի վարչապետ Ջորջիա Մելոնին, Եվրահանձնաժողովի նախագահ Ուրսուլա ֆոն դեր Լեյենը։
Էմմա Չոբանյան
