22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ռոբերտ Քոչարյանին հարցաքննելու կարիք, ամենևին, չկա․ նրան կարելի է դատել 100 հոդվածով․ Արամ Մանուկյան․ ՏԵՍԱՆՅՈՒԹ
Քաղաքականություն
08.08.2018 | 19:48
«Հայ Ազգային կոնգրես» կուսակցությունն առաջինն է ողջունել Հատուկ քննչական ծառայության՝ «Մարտի 1-ի» գործը բացահայտելուն միտված քայլը և առաջինն ենք հայտարարել, որ պատրաստ ենք աջակցելու քննչական խմբին մեր իմացած տեղեկություններով և մեր նյութերով։ Ես վստահ եմ, որ նրանք, ովքեր մեղավորներ են եղել կդառնան տուժածներ, գործը գլխիվայր կշրջվի, և նրանք, ովքեր մեղադրում էին՝ նկատի ունեմ Ռոբերտ Քոչարյանի թիմի անդամներին, կդառնան մեղադրյալներ։
Այս մասին այսօր Factor.am-ի հետ զրույցում ասաց «Հայ ազգային կոնգրես» կուսակցության փոխնախագահ Արամ Մանուկյանը՝ նշելով, որ «Մարտի 1-ի» գործի ամբողջական բացահայտման համար առաջին նախագահ Լևոն Տեր-Պետրոսյանը պատրաստ է գնալ և հարցաքննվել։
«Լևոն Տեր-Պետրոսյանի շահագրգռվածությունն այս գործի բացահայտումն է, ինչպես բոլորինս, և, եթե այդ հարցաքննություններն օգնելու են գործի բացահայտմանը, մենք ուրախ ենք, մեր մեջ արդեն կան մարդիկ, ովքեր կամավոր են գնում և տեղեկություններ են տալիս, որովհետև գործի ամբողջական բացահայտումը ապացուցելու է, գոնե, որ Սերժ Սարգսյանը չի ընտրվել»,-ասաց նա։
Արամ Մանուկյանը նշեց, որ իրենց ձեռքի տակ կա գիրք, որը հանրագիտարանի է նման, քանի որ վերաբերում է «Մարտի 1-ի» գործին, դրան առնչվող մի շարք գործողությունների, իսկ գրքում զետեղված փաստերը իրենք ներկայացրել են Հատուկ քննչական ծառայություն և Գլխավոր դատախազությանը։
«Այնտեղ կա փաստաթղթերի այնպիսի քանակ, որ Ռոբերտ Քոչարյանին հարցաքննելու կարիք, ամենևին, չկա, նրա ճնշումները պետական հիմնարկների վրա, որով կազմակերպեց «Մարտի 1-ը» գրքում կան»,-նկատեց նա։
Արամ Մանուկյանը շեշտեց, որ «Մարտի 1-ի» գործը եղել է կանխամտածված, կազմակերպված այլ անձնաց հետ համատեղ և նպատակային, որտեղ օգտագործվել են բոլոր պետական կառույցները, և այդ գործողություններից որոշները կատարվել են մինչև մարտի մեկը։
««ԿԳԲ»-ն քրեական գործեր է հարուցել խաղաղ ցուցարարների նկատմամբ դեռ փետրվարի 24-ին։ Եթե Ռոբերտ Քոչարյանի դուխը կհերիքի, կասի տեղյակ չէ այս գործից, հալալ է իրեն»,-ասաց նա։
Հարցին՝ հավանական համարում է, որ Սերժ Սարգսյանը ևս կանչվի հարցաքննության և նրա հետ կատարվի այն, ինչ Ռոբերտ Քոչարյանի հետ, Արամ Մանուկյանը պատասխանեց. «Ես վստահ եմ, որ այդպես կլինի, որովհետև Ռոբերտ Քոչարյանն էստաֆետը հանձնեց նրան։ ՀՔԾ-ն թող որոշի»։
Արամ Մանուկյանն անդրադարձավ նաև արցախցի 15 պատգամավորների՝ ՀՀ Գլխավոր դատախազին ուղղված խնդրանք-միջնորդագրին։
«Բոլոր մարդիկ, ովքեր ստորագրել են, թող լավ իմանան, որ այն քրեական գործը, որը մենք ուղարկել են Եվրոպական դատարան հետ կանչված չէ։ «Մարտի 1-ի» գործը այդ դատարանում միշտ կա, և այսօր ստորագրությանը միացած պատգամավորները մեղսակից են դառնում։ Այսքան փասթաթուղթ կա, Ռոբերտ Քոչարյանին կարելի է պահել բամբակի մեջ, և դատել այս հոդվածներով, սրան գումարած 100 հոդվածով։ Վստահ եմ, որ պատգամավորները պարտք են տալիս, ստիպված են»,-ասաց ՀԱԿ փոխնախագահը՝ շեշտելով, որ հավատում է, որ Ռ․ Քոչարյանը վաղն էլ չի հայտնվի ազատության մեջ, քանի որ բոլոր լծակներով կարող է ազդել գործողությունների վրա։
Մանրամասները՝ տեսանյութում։
Աղավնի Սուքիասյան
