Որևէ օտար հեռարձակող, անկախ նրանից՝ բարեկամ երկիր է, թե՝ ոչ, հանրային մուլտիպլեքսում չպետք է լինի․ Տիգրան Հակոբյան

Լուրեր

19.10.2024 | 17:49
Երեխաները թիրախավորվում ու առավել խոցելի են դառնում. ՄԻՊ-ը՝ «Փյունիկ» ակումբի հետ կապված լուրերի մասին
19.10.2024 | 17:42
Թեղուտ գյուղում մեքենաներ են բախվել. կան տուժածներ
19.10.2024 | 17:31
Հայաստանի և Հնդկաստանի միջև տեխնոլոգիական համագործակցության զարգացման հնարավորությունների շուրջ պայմանավորվածություն է ձեռք բերվել
19.10.2024 | 17:13
Թուրքիայում երկրաշարժ է գրանցվել
19.10.2024 | 16:44
Այս տարի «ՀՀ վարչապետի գավաթ» խճուղավազքի մասնակից դպրոցականների թիվը սպասվածից շատ է եղել. Գիլոյան
19.10.2024 | 16:17
«3+3» հարթակի երրորդ հանդիպմանը համատեղ կոմյունիկե է ընդունվել
19.10.2024 | 15:55
Իրաքում հարձակվել են Սաուդյան Արաբիայի հեռուստաալիքի գրասենյակի վրա Պաղեստինի մասին հաղորդումից հետո
19.10.2024 | 15:30
Օդի ջերմաստիճանը կնվազի ևս 2-4 աստիճանով. լեռնային գոտիներում ձյուն կտեղա
19.10.2024 | 15:05
Ֆրանսիայի արտգործնախարարը մեկնել է Կիև
19.10.2024 | 14:40
ԶՈՒ ԳՇ պետի տեղակալը մասնակցել է ՆԱՏՕ-ի Օպերատիվ կարողությունների հայեցակարգի տարեկան համաժողովին
19.10.2024 | 14:16
Պուտինը չի մասնակցի Բաքվում կայանալիք COP29 ՄԱԿ-ի կլիմայական գագաթնաժողովին
19.10.2024 | 14:00
Միհրան Պողոսյանի կուսակցության 8 անդամ է ձերբակալվել. հայտարարություն
19.10.2024 | 13:52
Լաոսի ԱԺ փոխնախագահը հայ գործընկերոջ հետ հանդիպմանն իր աջակցությունն է հայտնել ՀՀ տարածքային ամբողջականությանը
19.10.2024 | 13:33
Իսրայելի վարչապետի նստավայրը հարձակման է ենթարկվել ԱԹՍ-ի միջոցով
19.10.2024 | 13:00
ՊԵԿ պատվիրակությունը հանդիպում է ունեցել ԵՏՀ կոլեգիայի մաքսային համագործակցության հարցերով նախարար Ռուսլան Դավիդովի հետ
Բոլորը

Հեռուստատեսության և ռադիոյի հանձնաժողովը 2023 թվականին հարուցել է 64 վարչական վարույթ, որից 57-ը՝ հանձնաժողովի նախաձեռնությամբ։ Այս մասին այսօր լրագրողների հետ զրույցում ասաց ՀՌՀ նախագահ Տիգրան Հակոբյանը։

«Կար մի հեռուստաընկերություն, արդեն ինքը այլ հեռուստաընկերություն է, և սեփականատերերը փոխվել էին, 2013-2018 թվականը, ցույց տալով օրական 2-3 գեղարվեստական ֆիլմ, 5 տարվա մեջ հեռարձակման համար որևէ պայմանագիր չունեին, և դրա վրա աչք էր փակվում։ Մենք հիմա այստեղ բավականին մեծ առաջընթաց ունենք, որը նաև բարձրացնում է ոչ միայն կարգավորող մարմնի, այլև հեռուստաընկերության հեղինակությունը նաև արտերկրում»,- նշեց Հակոբյանը։

Նրա խոսքով՝ այսօր Հայաստանի հանրապետական և մայրաքաղաքային ծածկույթ ունեցող հեռուստաընկերություններում ռուսական բովանդակություն գրեթե չկա․ իրենք գիտեն, որ քաղաքացիների շրջանում եղել է դժգոհություն, որ եթերում օտար լեզուներով` հատկապես ռուսերենով շատ են հաղորդումները։

«6-7 տարի առաջ մինչև 70-80% բովանդակությունը, բոլոր ֆիլմերը, հաղորդումների մեծ մասը, նույնիսկ հարցազրույցները ռուսերեն լեզվով էին։ Մենք գտնում ենք, որ Հայաստանի լեզվական անվտանգության ապահովող բավականին քայլեր ենք արել»,–ասաց նա։

Անդրադառնալով հարցին՝ արդյո՞ք ՀՀ հանրային մուլտիպլեքսում ռուսական հեռուստաընկերությունների հեռարձակումը դադարեցվելու է, Հակոբյանը պատասխանեց, որ իրենք ռուսական հեռուստաընկերություններին չեն վերահսկում, քանի որ լիցենզիա չեն տվել։ Նրա խոսքով՝ ռուսական ալիքների եթերում արձանագրված խնդիրների դեպքում ՀՌՀ-ն տեղեկանք է պատրաստում և ուղարկում բարձր տեխնոլոգիական արդյունաբերության նախարարություն, որպեսզի նրանք ռուսական կողմի կոլեգաների հետ փորձեն խնդիրը լուծել։

«Ցավոք, ես կարծում եմ, որ ԲՏԱ-ն լավ չի կատարել իր պարտավորությունները, որ ամրագրված էին միջկառավարական համաձայնագրում։ Ես հույս ունեմ, որ ԲՏԱ նոր նախարարն ավելի հետևողական կլինի, որպեսզի Հայաստանի ներքին գործերին խառնվելու հոսքերն այդ հեռուստաընկերություններում բացառվեն»,–ասաց նա։

Հակոբյանի համոզմամբ ` որևէ օտար հեռարձակող, անկախ նրանից՝ բարեկամ երկիր է, թե ոչ, հանրային մուլտիպլեքսում չպետք է լինի։

«Այն պետք է լինի միայն տեղական արտադրողների համար։ Եթե չլինեին օտար հեռարձակողները, 2-3 սլոտ ազատ կլիներ և քաղաքական այս աղմուկը չէր լինի, կլիներ 10 հավակնորդ և 10 սլոտ»,- նշեց Հակոբյանը։