23.07.2026 | 10:15
Յամալն ու Հոլանդը տրանսֆերային արժեքի ռեկորդ են սահմանել
Զելենսկին հանդիպել է Զալուժնիին և առաջարկել հեռանալ ԶՈՒ ԳՇ պետի պաշտոնից․ ԶԼՄ-ներ
Քաղաքականություն
30.01.2024 | 13:09
Ուկրաինական «Зеркало недели» լրատվականը, արձագանքելով Ուկրաինայի Զինված ուժերի գլխավոր հրամանատար Վալերի Զալուժնիի հնարավոր հրաժարականի մասին նախօրեին տարածված տեղեկություններին, գիշերը հրապարակել է իր վարկածը, ըստ որի՝ Ուկրաինայի նախագահ Վլադիմիր Զելենսկին իրականում հանդիպել է Զալուժնիի հետ և քննարկել նրա հրաժարականի հարցը, փոխանցում է BBC-ի ռուսական ծառայությունը։
Լրատվամիջոցը պնդում է, որ Զելենսկին Զալուժնիին առաջարկել է հրաժարականի դիմում գրել, սակայն «չի առաջարկել այլ նշանակալի պաշտոն, որը նա կարող է զբաղեցնել»։ ԶԼՄ-ն հղում է անում ինչպես նախագահի աշխատակազմի, այնպես էլ Զալուժնիի շրջապատի աղբյուրներին։
«Այո՛, հանդիպել է անձամբ։ Այո՛, նման առաջարկ եղել է»,- լրատվամիջոցին ասել են աղբյուրները՝ հաստատելով, որ եղել է հանդիպում և Զալուժնիի առաջարկվել է հեռանալ պաշտոնից։
Ըստ նույն աղբյուրների՝ Զալուժնին պատասխանել է, որ Զելենսկիի իրավունքն է՝ որոշել, թե ում հետ աշխատել։
Հարցին՝ արդյո՞ք Ուկրաինայի ԶՈւ հրամանատարը պատրաստվում է ապագայում հեռանալու դիմում գրել, աղբյուրը պատասխանել է․ «Ո՛չ, չի գրել ու մտադիր չէ դա անել»։
Լրատվամիջոցը նաև հիշեցնում է, որ հրաժարականի համար անհրաժեշտ է պաշտպանության նախարար Ռուստեմ Ումերովի ներկայացումը։
Ինչ վերաբերում է նոր աշխատանքի առաջարկներին, աղբյուրները նշում են, որ «խոսքը վերաբերել է միայն օգնականի կամ խորհրդականի կարգավիճակին»։
Էմմա Չոբանյան
