07.10.2026 | 14:37
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
ԱԹՍ-ներով հարձակում՝ Ղրիմի և Ռուսաստանի չորս շրջանների վրա. ՌԴ ՊՆ-ն հայտնել է 21 սարքի ոչնչացման մասին
Քաղաքականություն
30.01.2024 | 12:15
ՌԴ ՊՆ-ն հայտնել է, որ հակաօդային պաշտպանության համակարգերը հունվարի 30-ի գիշերը ոչնչացրել և որսացել են 21 անօդաչու թռչող սարք։ Ռուսական կողմը հարձակման համար մեղադրել է Կիևին, գրում է Meduza-ն։
Պաշտպանության նախարարության տվյալներով՝ բռնակցված Ղրիմի վրա հարձակմանը մասնակցել է 11 անօդաչու թռչող սարք։ Բացի այդ, 5 անօդաչու թռչող սարքեր գրոհել են Բելգորոդի, 3-ը՝ Բրյանսկի , 1-ը՝ Կալուգայի, 1-ը՝ Տուլայի շրջանը։
ՀՕՊ համակարգերը Կալուգայի ծայրամասում անօդաչու թռչող սարք են խոցել։ Բեկորներն ընկել են ոչ բնակելի շենքի տանիքին, հայտնել է Կալուգայի շրջանի նահանգապետ Վլադիսլավ Շապշան։ Նրա խոսքով՝ հրդեհ չի եղել, տուժածներ չկան։
Բրյանսկի շրջանում ևս անօդաչու թռչող սարք է ոչնչացվել, հայտնել է շրջանի ղեկավար Ալեքսանդր Բոգոմազը։ Նրա խոսքով՝ զոհեր և ավերածություններ չկան։
Տուլայի շրջանի տարածաշրջանային անվտանգության նախարարությունը հայտարարել է, որ անօդաչու թռչող սարքի անկման հետևանքով ոչ ոք չի տուժել, ենթակառուցվածքները ևս չեն վնասվել։
Ուկրաինայի զինված ուժերի գլխավոր շտաբն իր հերթին հայտարարել է, որ ռուսական զորքերը հունվարի 30-ի գիշերը հարձակվել են Ուկրաինայի վրա՝ օգտագործելով 35 անօդաչու թռչող սարքեր։ Գլխավոր շտաբի տվյալներով՝ 15 անօդաչու թռչող սարք է խոցվել։
