15.09.2026 | 16:11
Վարդան Ղուկասյանն ասել ա՝ «Ով միութենական պետությանը դեմ ա, թրքահպատակ շան տղա ա»․ Վահագն Ալեքսանյան․ ՏԵՍԱՆՅՈՒԹ
ՌԴ նախագահի ընդդիմադիր թեկնածու Նադեժդինը Կրեմլին սպառնացել է ամբողջ երկրում հանրահավաքներով, եթե ԿԸՀ-ում իր գրանցումը մերժվի
Քաղաքականություն
29.01.2024 | 21:13
ՌԴ-ում մարտին նախանշված նախագահական ընտրությունների «հակապատերազմական» թեկնածու Բորիս Նադեժդինը հայտարարել է, որ եթե իրեն թույլ չտան մասնակցել ընտրություններին, ապա կարող է «զուտ տեսականորեն» կոչ անել իր համար ստորագրած 200 հազար քաղաքացիներին փողոցներ դուրս գալ։ Միաժամանակ, նա ընդգծել է, որ ինքն ու իր համախոհները պետք է գործեն բացառապես իրավական դաշտում։
«Եթե հանկարծ որոշեն, որ ո՛չ, Նադեժդինին չեն կարող թողնել քվեարկության, «Պլան Բ»-ն կակտիվանա։ Առաջին՝ ես չեմ դադարեցնում որևէ քաղաքական գործունեություն, երկրորդ՝ Ռուսաստանի օրենքների շրջանակում, ես բացարձակապես հետևում եմ Ռուսաստանի բոլոր օրենքներին, չեմ խրախուսի մարդկանց դուրս գալ փողոց չարտոնված հանրահավաքների, որովհետև ես մարդկանց վատ դրության մեջ կդնեմ, և դա օրենքի խախտում կլինի։ Բայց, օրինակ, զուտ տեսականորեն, ես կարող եմ խնդրել երկրում 200 հազար մարդու օրինական հանրահավաքների հայտ ներկայացնել երկրի 150 քաղաքներում»,- ասել է Նադեժդինը հունվարի 28-ին աջակիցների հետ հանդիպմանը։
Նա շեշտել է, որ հնարավոր հանրահավաքները պետք է լինեն «օրինական», հաղորդում է The New Times-ը։
Հունվարի 29-ին ՌԴ Կենտրոնական ընտրական հանձնաժողովի նախագահ Էլլա Պամֆիլովան դժգոհել է, որ ԿԸՀ-ն տեղեկություն չունի Նադեժդինի և մի քանի այլ թեկնածուների՝ որպես նախագահի թեկնածու գրանցվելու համար ստորագրություններ ներկայացնելու պլանների մասին։
