06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
Ձնամաքրման աշխատանքներով զբաղվող հիմնարկի տնօրենն ազատվել է․ այդ պաշտոնում նշանակվել է քաղաքապետի նախկին խորհրդականը
Քաղաքականություն
29.01.2024 | 11:46
Քաղաքապետի նախկին խորհրդական Սաշա Կատվալյանը նշանակվել է «Երևանի աղբահանություն և սանիտարական մաքրում» հիմնարկի տնօրեն: Այս հիմնարկի տնօրենի պաշտոնն զբաղեցնող Բագրատ Աղաջանյանը հունվարի 26-ին սեփական դիմումի համաձայն ազատվել աշխատանքից: Թեև քաղաքապետի խոսնակ Հայկ Կոստանյանը հայտնել է, որ ազատման պատճառը ձնամաքրման աշխատանքները չեն, սակայն վերջին օրերին բազմաթիվ քաղաքացիներ այդ աշխատանքների կազմակերպման հետ կապված իրենց դժգոհությունն էին հայտնում սոցիալական հարթակներում։
Հիշեցնենք, որ Աղաջանյանն այդ պաշտոնին նշանակվել էր 2023-ի հունիսին:
Նշենք, որ Սաշա Կատվալյանը նախկինում զբաղեցրել է Դավթաշեն և Մալաթիա-Սեբաստիա վարչական շրջանների ղեկավարի պաշտոնները: Ազատվելով Մալաթիա-Սեբաստիա վարչական շրջանի ղեկավարի պաշտոնից՝ նշանակվել էր Երևանի քաղաքապետի խորհրդական:
Կատվալյանի հետ կապ հաստատել չհաջողվեց. նա սկզբում չպատասխանեց մեր հեռախոսազանգերին, ապա հեռախոսահամարն անհասանելի դարձավ:
Արփի Հակոբյան
