15.09.2026 | 15:02
Ենթադրաբար, Հայկ Սարգսյանը կհեռացվի կուսակցությունից նկատողության պարագայում. Ալեքսանյան․ ՏԵՍԱՆՅՈՒԹ
Վարչապետը շնորհավորական ուղերձ է հղել Ավստրալիայի վարչապետին
Քաղաքականություն
26.01.2024 | 13:03
Վարչապետ Նիկոլ Փաշինյանը շնորհավորական ուղերձ է հղել Ավստրալիայի Միության վարչապետ Էնթոնի Ալբանիզին՝ ազգային տոնի առթիվ. տեղեկացնում են ՀՀ վարչապետի աշխատակազմից։
Ուղերձում նշված է.
«Հայաստանի կառավարության և անձամբ իմ անունից ջերմորեն շնորհավորում եմ Ձեզ Ավստրալիայի օրվա առթիվ՝ Ավստրալիայի բարեկամ ժողովրդին մաղթելով խաղաղություն և նորանոր ձեռքբերումներ:
Հայաստանը մեծապես կարևորում է Ավստրալիայի հետ բարեկամական հարաբերությունների զարգացումը երկկողմ հետաքրքրություն ներկայացնող բոլոր ոլորտներում: Համոզված եմ, որ մեր ժողովուրդների միջև առկա փոխադարձ համակրանքն ու նվիրումը ժողովրդավարական արժեքներին ամենալավ հիմքն են հայ-ավստրալական միջպետական հարաբերությունները խորացնելու և ամրապնդելու համար:
Վերահաստատում եմ իմ պատրաստակամությունը Ձեզ հետ համատեղ ջանքերով մեր պետությունների երկկողմ հարաբերությունները բարձրացնելու որակական նոր մակարդակի»:
