Քաղաքականություն
26.01.2024 | 12:14
Ատոմային էներգիայի միջազգային գործակալության ղեկավար Ռաֆայել Գրոսսին հայտնել է, որ առաջիկա երկու շաբաթվա ընթացքում ՄԱԳԱՏԷ-ի հաջորդ առաքելության շրջանակում այցելելու է Զապորոժիեի ատոմակայան, փոխանցում է BBC-ի ռուսական ծառայությունը։
Ատոմակայանը ռուսական զորքերի վերահսկողության տակ է 2022 թվականի մարտից։
«Սա կլինի անձնակազմի 16-րդ ռոտացիան։ Երբ ես այնտեղ լինեմ, կխոսեմ տնօրինության՝ կայանի ռուսական ղեկավարության հետ»,- ասել է նա։
Գրոսսին նաև հայտարարել է, որ մտադիր է բանակցությունների համար այցելել Մոսկվա և Կիև։
«Մեզ դիվանագիտություն է պետք։ Հենց դրանով էլ զբաղվում եմ»,- հավելել է ՄԱԳԱՏԷ-ի ղեկավարը։
