18.03.2026 | 10:47
Իսրայելում իրանական հրթիռային հարձակման հետևանքով զոհեր կան․ Իրանը հայտարարել է Լարիջանիի սպանության համար վրեժի մասին
ՆԱՏՕ-ն Ռուսաստանի կողմից անմիջական սպառնալիք չի տեսնում․ Ստոլտենբերգ
Քաղաքականություն
23.01.2024 | 20:28
ՆԱՏՕ-ն ներկայում սպառնալիք չի տեսնում Ռուսաստանի կողմից դաշինքի դաշնակիցներից որևէ մեկի դեմ։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։
Նա Ռուսաստանի հետ սահմանների մոտ ՆԱՏՕ-ի ներկայության ուժեղացումը բացատրել է էսկալացիան կանխելու ցանկությամբ, գրում է Կոմերսանտը։
«Մենք դաշնակիցներից որևէ մեկի դեմ ուղղակի և անմիջական սպառնալիք չենք տեսնում։ Մենք ուշադիր հետևում ենք Ռուսաստանի գործողություններին, ավելացնում ենք մեր զգոնությունը, մեր ներկայությունը դաշինքի արևելյան եզրում, բայց նպատակը հենց դաշնակիցներից որևէ մեկի վրա ցանկացած հարձակում կանխելն է»,- ասել է Ստոլտենբերգը ճեպազրույցում։
ՆԱՏՕ-ի գլխավոր քարտուղարի խոսքով՝ ռուսական ռազմական գործողության սկզբից դաշինքի երկու հիմնական նպատակներից մեկը եղել է Ուկրաինային աջակցելը։
«Մյուս նպատակը ՆԱՏՕ-ի և Ռուսաստանի միջև էսկալացիայի և լայնամասշտաբ պատերազմի կանխումն է»,- ասել է Յենս Ստոլտենբերգը։
