14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վիկտոր Օրբանը Շվեդիայի վարչապետին հրավիրել է Հունգարիա՝ քննարկելու ՆԱՏՕ-ին անդամությունը
Քաղաքականություն
23.01.2024 | 18:51
Հունգարիայի վարչապետ Վիկտոր Օրբանը Շվեդիայի վարչապետ Ուլֆ Քրիստերսոնին հրավիրել է Բուդապեշտ՝ քննարկելու ՆԱՏՕ-ին Ստոկհոլմի անդամակցության և երկրների երկկողմ հարաբերությունների ամրապնդան հարցեր։
«Այսօր ես հրավերի նամակ եմ ուղարկել Շվեդիայի վարչապետ Ուլֆ Քրիստերսոնին այցելելու Հունգարիա՝ բանակցություններ վարելու ՆԱՏՕ-ին Շվեդիայի անդամակցության հարցի շուրջ»,- գրել է Օրբանը X-ում։
Հավելենք, որ Թուրքիան և Հունգարիան ՆԱՏՕ-ի միակ անդամներն են, որոնք դեռևս չեն վավերացրել դաշինքին Շվեդիայի անդամակցության հայտը։
Ուշագրավ է, որ Օրբանի հրավերը հետևում է Թուրքիայում խորհրդարանում հայտի քննարկմանը․ Թուրքիայի օրենսդիր մարմնի այսօրվա նիստում ներառված է ՆԱՏՕ-ին Շվեդիայի անդամակցության արձանագրության վավերացման հարցի քննարկումը։
Էմմա Չոբանյան
