08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Եմենի հութիները չեն ենթարկվում որևէ կողմի հրամանի․ Իրան
Քաղաքականություն
23.01.2024 | 16:54
Հութի ապստամբները գործում են անկախ առևտուրը Կարմիր ծովում խափանելու որոշում կայացնելիս՝ որպես պաղեստինյան ժողովրդին աջակցության դրսևորում։ Al Jazeera-ի փոխանցմամբ՝ այս մասին հայտարարել է Իրանի Իսլամական հեղափոխության պահապանների կորպուսի (ԻՀՊԿ) բարձրաստիճան հրամանատարը:
«Եմենն անկախ երկիր է՝ հզոր բանակով, ունի նաև ուժեղ առաջնորդ, որը գործում է անկախ և որևէ մեկից հրաման չի ընդունում»,- ասել է Իսլամական հեղափոխության պահապանների կորպուսի նավատորմի հրամանատար Ալիրեզա Թանգսիրին:
«Եմենի ռազմածովային գործողությունները Բաբ ալ-Մանդեբի նեղուցում և սիոնիստական ռեժիմին պատկանող նավերի կամ օկուպացիոն ռեժիմն իրենց նպատակակետ ընտրող նավերի անցման կանխումը համահունչ են մուսուլմաններին նրանց աջակցությանը»,- զինվորական պաշտոնյայի խոսքերն են մեջբերում իրանական պետական լրատվամիջոցները:
Թանգսիրին ասել է, որ «հերոս եմենցիները» փորձում են կասեցնել պաղեստինցիների սպանությունը, և արևմտյան աշխարհն է, որ պետք է դադարեցնի «սիոնիստների կողմից իրականացված արյունահեղությանն աջակցությունը»։
