03.06.2026 | 13:28
ՌԴ-ն հայտարարել է, թե ԵՄ-ն Հայաստանից «դուրս է մղում Ռուս ուղղափառ եկեղեցուն»
Ռուսաստանից հեռացածներն ամենից շատ վստահում են Գերմանիայի և ՀՀ կառավարություններին
Քաղաքականություն
23.01.2024 | 14:34
Պատերազմի և մոբիլիզացիայի պատճառով Ռուսաստանը լքած ռուսաստանցիները սկսել են զանգվածաբար ազատվել հայրենական ընկերություններից: Եթե հեռանալուց անմիջապես հետո տեղափոխվածների 43%-ը շարունակել է աշխատել ռուսական ընկերություններում, ապա 2023 թվականի ամռանը նրանց թիվը, ում աշխատանքը կապված է Ռուսաստանի հետ, նվազել է ավելի քան երեք անգամ՝ հասնելով 13%-ի։
Այս մասին է վկայում OutRush նախագծի հարցումը, որի ընթացքում սոցիոլոգները հարցազրույց են անցկացրել ավելի քան 10 հազար էմիգրանտների հետ, գրում է Կոմերսանտը՝ վկայակոչելով ուսումնասիրության արդյունքները։
Միաժամանակ, ինչպես պարզել են սոցիոլոգները, ռուս էմիգրանտների եկամուտների մակարդակը չի վերականգնվել երկիրը լքելուց հետո։ Նրանցից ամենաաղքատների շրջանում արձանագրվում է եկամուտների կայունացում, մինչդեռ ամենահարուստների եկամուտները շարունակում են նվազել։ Սակայն հեռացածների շրջանում գործազրկության մակարդակը չի աճում։
Հետազոտողները նշում են նաև ընդունող երկրի քաղաքացիների և իշխանությունների նկատմամբ արտագաղթողների վստահության մակարդակի փոփոխության մասին։
Վերաբնակիչները ամենից շատ վստահում են Գերմանիայի (85%) և Հայաստանի (68%) կառավարություններին։ Սերբիայում այդ ցուցանիշը կազմում է 53%, Իսրայելում՝ 46%, իսկ Վրաստանում՝ 27%։ Թուրքիայում իշխանությունների նկատմամբ վստահությունն ամենացածր ցուցանիշներից մեկն է արձանագրել՝ 20%։
