Պուտինի մրցակից Բորիս Նադեժդինը 100,000 ստորագրություն է հավաքել՝ ՌԴ նախագահի պաշտոնում առաջադրվելու համար

Լուրեր

12.01.2025 | 13:20
Երկրաշարժ՝ Վրաստանում
12.01.2025 | 13:05
Արտարժույթների փոխարժեքները՝ հունվարի 12-ի դրությամբ
12.01.2025 | 12:34
Կանխվել է Վերին Խոտանան գյուղի հարակից տարածքում բռնկված հրդեհի տարածումը դեպի անտառ
12.01.2025 | 12:27
Կալիֆոռնիայում մոլեգնած հրդեհները 16 մարդու կյանք են խլել
12.01.2025 | 12:00
Շվանիձոր-Նռնաձոր-ՀՀ սահման ավտոճանապարհին կատարվելու են պայթեցման աշխատանքներ
12.01.2025 | 11:41
Հրդեհ՝ Հյուսիսային պողոտայի սուպերմարկետներից մեկի պահեստային հատվածում
12.01.2025 | 11:24
Տեղ-տեղ մերկասառույց, մառախուղ․ իրավիճակը ՀՀ ճանապարհներին
12.01.2025 | 11:01
Անկախությունն արտաքին միջավայրը կառավարելու հմտություն է․ Փաշինյան
12.01.2025 | 10:36
Լեռնագնացները չեն կարողացել ինքնուրույն իջնել Բջնիի անտառամերձ հատվածից, օգնել են փրկարարները
12.01.2025 | 10:21
Փրկարարներն արգելափակումից դուրս են բերել 8 ավտոմեքենա
12.01.2025 | 10:06
Լարսը բաց է
12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
11.01.2025 | 20:08
Վերին Խոտանան գյուղում այրվել է մոտ 10 հա բուսածածկույթ
Բոլորը

ՌԴ նախագահական ընտրություններում անկախ թեկնածու Բորիս Նադեժդինը հավաքել է ընտրողների 100 հազար ստորագրություն՝ իր թեկնածությունն առաջադրելու համար։ Համապատասխան տեղեկությունը հայտնվել է նրա կայքում, փոխանցում է Meduza-ն։

Ըստ այդ տվյալների՝ Նադեժդինի առաջադրմանն աջակցել է 101,607 մարդ։ Նշվում է, որ ստորագրությունները հավաքվել են Ռուսաստանի 75 շրջաններում։ Առաջադրվելու համար ԿԸՀ պետք է ներկայացվի 2500 ստորագրություն 40 տարբեր մարզերից։ Դատելով կայքում տեղադրված տարածքային շտաբերի բաշխումից՝ մինչ այժմ 2500 ստորագրություն է հավաքվել միայն ութ մարզում։

«Մենք արդեն հավաքել ենք 101 հազար ստորագրություն։ Այս ստորագրությունները թերի են։ ԿԸՀ-ն պետք է 105,000 կատարյալ ստորագրություն ներկայացնել։ Այնպիսիք, որոնցում հնարավոր չլինի թերություն գտնել։ Ահա թե ինչու մենք պետք է հնարավորինս շատ կատարյալ ստորագրություններ հավաքենք։ Այժմ կայքում նպատակ է դրվելու 150,000 ստորագրությունը»,- ասվում է Նադեժդինի Տելեգրամ-ալիքի հաղորդագրությունում։

Նադեժդինի շտաբից Meduza-ի զրուցակիցը հաստատել է, որ հավաքված ստորագրությունները դեռ բավարար չեն գրանցման համար, շատ բան է պակասում։ Նաև, ըստ աղբյուրի, կան բազմաթիվ «թերի ստորագրություններ»։ Մեկ այլ աղբյուր հայտնել է, որ 2500 ստորագրություն է հավաքվել միայն մոտ 10 մարզում։ Նրա խոսքով՝ մարզերում ստորագրահավաքը կտևի մինչև հունվարի 25-ը, Մոսկվայում մի փոքր ավելի երկար կհավաքեն այնտեղ ապրող մարդկանց ստորագրությունները, որոնք գրանցված են այլ մարզերում։

Նադեժդինն առաջադրվում է որպես «Քաղաքացիական նախաձեռնություն» կուսակցության անդամ։ Իր առաջադրման մասին քաղաքական գործիչը հայտարարել էր 2023 թվականի վերջին։

ԿԸՀ-ն Նադեժդինին թույլ է տվել ստորագրահավաք հավաքել դեկտեմբերի 28-ին։ Առաջին երեք շաբաթվա ընթացքում նրա կողմնակիցներին հաջողվել էր հավաքել 25 հազար ստորագրություն։ Այն բանից հետո, երբ Նադեժդինին սկսեցին աջակցել հայտնի ընդդիմադիր քաղաքական գործիչներ, հավաքված ստորագրությունների թիվը սկսեց կտրուկ աճել, հավաքագրման կետերում հերթեր առաջացան, և հաջորդ 75 հազարը հավաքվեց ընդամենը հինգ օրում։

Հավելենք, որ Նադեժդինը ՌԴ նախագահի միակ թեկնածուն է, որն ուղղակիորեն դեմ է արտահայտվել Ուկրաինայում պատերազմի շարունակմանը։ Նա ռազմական գործողություններ սկսելու որոշումն անվանել է «ճակատագրական սխալ», նաև ասել, որ ՌԴ նախագահ Վլադիմիր Պուտինը երկիրը տանում է «դեպի աղետ»։

Հունվարին Նադեժդինը հանդիպել էր ժամկետային զինծառայողների կանանց հետ, որոնք վերջին ամիսներին բազմիցս բողոքում են, որ իրենց ամուսիններին ռազմաճակատից տուն չեն վերադարձնում։

Հավելենք, որ ՌԴ նախագահական ընտրությունները տեղի են ունենալու մարտի 15-17-ը։

Էմմա Չոբանյան