24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ը և Մեծ Բրիտանիան նոր հարվածներ են հասցրել Եմենում հութիների թիրախներին
Քաղաքականություն
23.01.2024 | 13:51
ԱՄՆ-ը և Մեծ Բրիտանիան համատեղ օդային հարվածների նոր շարք են ձեռնարկել Եմենում ութ թիրախների ուղղությամբ, BBC-ի ռուսական ծառայության փոխանցմամբ՝ այս մասին հայտնել է Պենտագոնը։
Հարձակումների թիրախ են դարձել ստորգետնյա պահեստարան, ինչպես նաև հութիների «հրթիռային և հետախուզական հնարավորությունները», ասվում է հաղորդագրության մեջ:
Եմենի լրատվամիջոցների տվյալներով՝ հարվածների թիրախ են դարձել մայրաքաղաք Սանան, ինչպես նաև երկրի այլ շրջաններ։ Իրանի աջակցությունը վայելող հութիները թիրախավորում են նավեր, որոնք, նրանց կարծիքով, կապված են Իսրայելի հետ և անցնում են Կարմիր ծովի առանցքային առևտրային ճանապարհով:
«Մեր նպատակը մնում է լարվածության թուլացումը և Կարմիր ծովում կայունության վերականգնումը, սակայն մենք ևս մեկ անգամ զգուշացնում ենք հութիների ղեկավարությանը՝ չենք վարանի պաշտպանել կյանքը և ազատ առևտուրը աշխարհի կարևորագույն ջրային ուղիներից մեկում»,- ասվում է Պենտագոնի հայտարարության մեջ։
Սա արդեն ԱՄՆ-ի 8-րդ հարվածն է Եմենում թիրախներին, ինչպես նաև Մեծ Բրիտանիայի հետ համատեղ երկրորդ օպերացիան։
