03.06.2026 | 13:28
ՌԴ-ն հայտարարել է, թե ԵՄ-ն Հայաստանից «դուրս է մղում Ռուս ուղղափառ եկեղեցուն»
Չինաստանում սողանքը մարդկանց կյանքեր է խլել․ տասնյակ մարդիկ մնում են փլատակների տակ
Քաղաքականություն
22.01.2024 | 19:13
Չինաստանի հարավ-արևմուտքում գտնվող Յունան նահանգում գրանցված սողանքի էպիկենտրոնում առնվազն 47 մարդ է եղել։ Սողանքի և քարերի տակից դուրս է բերվել ութ դի, մնացածների ճակատագիրը դեռևս հայտնի չէ, գրում է BBC-ի ռուսական ծառայությունը:
Չինաստանի առաջնորդ Սի Ցզինպինը հրահանգել է լայնածավալ փրկարարական գործողություն իրականացնել՝ ներգրավելով բոլոր անհրաժեշտ ռեսուրսները։
Փոխվարչապետ Չժան Գուոցինն աշխատանքային խմբի հետ մեկնել է ողբերգության վայր՝ անձամբ ղեկավարելու որոնողական աշխատանքները:
Սողանքը տեղի է ունեցել տեղական ժամանակով առավոտյան 6-ի սահմաններում: Չժաոտոնգ շրջանը, որտեղ այն գրանցվել է, գտնվում է լեռներում: Տարվա այս եղանակին այնտեղ օդի ջերմաստիճանը նվազում է զրոյից ցածր, և մարդիկ հայտնվում են սառած քարի շերտի տակ։
«Շատ ուժեղ աղմուկ էր, և գետինը ցնցվեց, կարծես երկրաշարժ լիներ»,- լրագրողներին պատմել է տուժած գյուղի բնակիչներից մեկը:
Տեղի մեկ այլ բնակչի խոսքով՝ սողանքի պահին տներում հիմնականում երեխաներ ու ծերեր են եղել։
