18.03.2026 | 10:47
Իսրայելում իրանական հրթիռային հարձակման հետևանքով զոհեր կան․ Իրանը հայտարարել է Լարիջանիի սպանության համար վրեժի մասին
Դոնեցկում շուկայի հրետակոծությունը 27 մարդու կյանք է խլել
Քաղաքականություն
22.01.2024 | 14:15
Ուկրաինացի զինվորականները հայտարարել են, որ չեն կրակել Դոնեցկի շուկայի վրա, որտեղ, ինչպես հայտնել են ՌԴ օկուպացիոն իշխանությունները, կիրակի հրետանային հարձակման հետևանքով զոհվել է 27 մարդ, գրում է BBC-ի ռուսական ծառայությունը։
«Մենք ամենայն պատասխանատվությամբ հայտարարում ենք, որ «Տավրիային» ենթակա ուժերն այս դեպքում ավերիչ զենքով մարտական առաջադրանք չեն կատարել»,- ասվում է արևելյան ճակատում գործող «Տավրիա» ուժերի օպերատիվ-ռազմավարական խմբի հայտարարության մեջ։
Ըստ տեղական իշխանությունների՝ Դոնեցկի «Մերկուրի» շուկայում կիրակի տեղի ունեցած պայթյունների հետևանքով զոհվել է 27, վիրավորվել՝ առնվազն 25 մարդ: Մոսկվայի կողմից նշանակված իշխանությունները պնդում են, որ շուկան հրետանային հարվածի է ենթարկվել։
Այս շուկան գտնվում է Դոնեցկի հարավ-արևմտյան ծայրամասում՝ առաջնագծից տասը կիլոմետրից մի փոքր հեռու։
