09.04.2026 | 23:32
Պուտինը հայտարարել է «զատկական հրադադար»
Նեթանյահուն մերժել է ՀԱՄԱՍ-ի՝ պատանդներին ազատ արձակելու դիմաց պատերազմը դադարեցնելու առաջարկը
Քաղաքականություն
22.01.2024 | 13:43
Իսրայելի վարչապետ Բենիամին Նեթանյահուն չի ընդունել ՀԱՄԱՍ-ի պահանջը՝ դադարեցնել պատերազմը Գազայում պատանդներին ազատ արձակելու դիմաց, գրում է CNN-ը։
«Ես շուրջօրյա աշխատում եմ այս ամենի վրա։ Բայց որպեսզի պարզ լինի, ես բացահայտորեն մերժում եմ ՀԱՄԱՍ-ի հրեշների պայմանները»,- ասել է նա:
Նեթանյահուն ասել է, թե ՀԱՄԱՍ-ը պահանջել է դադարեցնել պատերազմը, ազատ արձակել պաղեստինցի բանտարկյալներին և իսրայելական ուժերը դուրս բերել Գազայից՝ պատանդներին ազատ արձակելու դիմաց։
«Եթե ես համաձայնեի, ուրեմն մեր զինվորներն իզուր են ընկել։ Եթե մենք համաձայնենք սրան, մենք ի վիճակի չենք լինի երաշխավորել մեր քաղաքացիների անվտանգությունը»,- ասել է նա։
Նեթանյահուի այս հայտարարությունները հնչում են The Wall Street Journal-ում հրապարակված տեղեկությունների ֆոնին, որ ԱՄՆ-ը, Եգիպտոսը և Կատարը ցանկանում են, որ Իսրայելը միանա ՀԱՄԱՍ-ի հետ բանակցությունների նոր փուլին, որը կսկսվի պատանդների ազատ արձակմամբ և կհանգեցնի իսրայելական ուժերի դուրսբերմանը Գազայից: Նեթանյահուն ասել է, որ այդ կետերը փոխանցել է ԱՄՆ նախագահ Ջո Բայդենին հանգստյան օրերին և կրկնել անցյալ շաբաթ արված մեկնաբանությունները, որ Իսրայելը վերահսկում է Հորդանանի արևմուտքում գտնվող բոլոր տարածքները:
Էմմա Չոբանյան
