05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
«Ժառանգություն»-ը Երևանի ավագանու ընտրություններին քննարկում է նաև Արմեն Մարտիրոսյանի և Րաֆֆի Հովհաննիսյանի թեկնածությունը
Քաղաքականություն
07.08.2018 | 14:06
«Ժառանգություն» կուսակցությունն արդեն երկու օր է՝ ինչ վարչության նիստեր է անցկացնում և քննարկում Երևանի ավագանու ընտրություններին մասնակցության ձևաչափն ու հնարավոր թեկնածուին:
Այս մասին Factor.am-ի հետ զրույցում հայտնեց կուսակցության վարչության նախագահ Արմեն Մարտիրոսյանը:
«Մասնակցության և թեկնածուների հարցը դրված է սեղանին և քննարկում ենք: Քննարկվում է` ինչպես վարչության անդամների թեկնածությունը, այնպես էլ վարչությունից դուրս անձանց անուններ»,- նշեց Արմեն Մարտիրոսյանը:
Նա տեղեկացրեց, որ քննարկվող անունների թվում են նաև իր և Րաֆֆի Հովհաննիսյանի անունները: Բացի այդ, այլ ուժերի հետ միասին մասնակցելու հարցն են որոշում։
«Քննարկում ենք միասին ներկայանալ բոլոր այն ուժերի հետ, որոնք մասնակցել են իշխանափոխությանը: Նկատի ունեմ այն ուժերին, որոնք նախապատրաստել են այդ պրոցեսը, մարտ ամսից եղել են պրոցեսի մեջ և այլն»,- պարզաբանեց «Ժառանգություն» կուսակցության վարչության նախագահը:
Հավելենք, որ «Ժառանգություն» կուսակցությունը որոշման մասին պաշտոնապես կհայտարարի առաջիկա տասը օրերի ընթացքում:
