12.03.2026 | 23:35
Վթար Երասխ-Երևան ավտոճանապարհին․ կան տուժածներ
ՆԳ նախարարը հորդորել է բացառել բռնությունը կառույցում և ենթակա ծառայություններում
20.01.2024 | 13:33
Հայաստանի ներքին գործերի նախարար Վահե Ղազարյանի համոզմամբ՝ նախարարությունում և ենթակա ծառայություններում պետք է բացառվի բռնությունը, իսկ յուրաչքանչյուր կոռուպցիոն դրսևորում պետք է արժանանա համապատասխան իրավական հետևանքների․ այս մասին նախարարն ասել է հունվարի 19-ին ՆԳՆ ներքին անվտանգության և հակակոռուպցիոն վարչության անձնակազմի հետ հանդիպմանը և կարևորել է ստորաբաժանման ամենօրյա աշխատանքը, որն ուղղված է նախարարությունում և ենթակա ծառայություններում կարգապահության բարձրացմանը, հակաօրինական դրսևորումների հայտնաբերմանն ու համապատասխան ընթացք տալուն։
Հանդիպման ընթացքում ՆԳՆ ներքին անվտանգության և հակակոռուպցիոն վարչության պետ, ոստիկանության գնդապետ Վաղինակ Մարտիրոսյանը ներկայացրել է վարչության կողմից կատարված աշխատանքը։
ՆԳ նախարարը, շնորհակալություն հայտնելով արդյունավետ աշխատանքի համար, շեշտել է, որ չպետք է բավարարվել ձեռք բերածով և ընդգծել, որ ստորաբաժանման աշխատանքի արդյունքներն այսուհետ ամփոփվելու են ըստ բռնությունների և կոռուպցիոն դեպքերի բացահայտումներով։
Հանդիպման ավարտին բարեխիղճ ծառայությամբ աչքի ընկած մի խումբ ծառայողների ՆԳ նախարարը պարգևատրել է գերատեսչական մեդալներով։
