12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
Լատվիայից մոտ 1000 ռուսներ կարող են արտաքսվել
Քաղաքականություն
18.01.2024 | 17:58
Լատվիայում բնակվող մոտ հազար ռուսաստանցիներ միգրացիոն վարչությունից նամակ են ստացել՝ պահանջով երկու շաբաթվա ընթացքում լքել երկիրը կամ կարգավորել իրենց կեցության կարգավիճակը գործող օրենքներին համապատասխան, գրում է DW-ի ռուսական ծառայությունը։
Նշվում է, որ հակառակ դեպքում նրանց սպառնում է արտաքսում։ Երկրի Քաղաքացիության և միգրացիայի հարցերով դեպարտամենտի ղեկավար Մաիրա Ռոուզը նշել է, որ ներկայում խոսքը վերաբերում է 985 անձի։ Ապրիլին նրանց թիվը կարող է ավելանալ ևս 2500-ով։
Եթե նրանք չարձագանքեն նամակին, Քաղաքացիության և միգրացիայի հարցերով դեպարտամենտի աշխատակիցները նրանց կայցելեն իրենց վերջին բնակության վայրում։ Իսկ եթե պարզվի, որ այդ մարդիկ այլևս այնտեղ չեն ապրում, վարչությունը կենթադրի, որ նրանք արդեն լքել են Լատվիան։ Մնացած բոլորը ստիպված կլինեն լքել երկիրը։
Ուկրաինա Ռուսաստանի լայնամասշտաբ ներխուժումից հետո Լատվիայի իշխանությունները փոխել են երկրում օտարերկրացիների մնալը կարգավորող օրենսդրությունը։ Համաձայն ներգաղթի նորացված օրենքի՝ 2023 թվականի սեպտեմբերին Ռուսաստանի քաղաքացիներին տրված մշտական կեցության թույլտվություններն անվավեր են դարձել։
Լատվիայոմ բնակվելու համար ռուսաստանցիները պետք է դիմեն ԵՄ մշտական բնակության կարգավիճակ ստանալու, և դրա համար ներկայացնեն A2 մակարդակի լատվիերեն լեզվի իմացության ապացույց և ֆինանսական ռեսուրսների վկայական:
Էմմա Չոբանյան
