23.07.2026 | 12:25
Նյու Յորքում ձերբակալել են Արգենտինայի ֆուտբոլային ասոցիացիայի նախագահին
Թեհրանում քննարկվել են Իրանի և Ադրբեջանի միջև ռազմական կրթության ոլորտում համագործակցության հարցեր
Քաղաքականություն
18.01.2024 | 19:14
Ադրբեջանի պատվիրակությունը՝ Պաշտպանության ազգային համալսարանի գիտական գծով ռեկտորի տեղակալ, Ռազմահետազոտական ինստիտուտի ռեկտոր, մայոր Արիֆ Հասանովի գլխավորությամբ, այցելել է Իրան՝ Պաշտպանության բարձրագույն ազգային համալսարանի ղեկավար, գեներալ-մայոր, դոկտոր Իսմայիլ Ահմադի Մուղադդեմինի հրավերով։
Ադրբեջանի ՊՆ-ի հաղորդմամբ՝ այցի շրջանակում ադրբեջանական պատվիրակությունն այցելել է Իրանի ազգային պաշտպանության բարձրագույն համալսարան։ Պատվիրակությունը ծանոթացել է Իրանի ազգային պաշտպանության բարձրագույն համալսարանի գիտակրթական բազաներին, գրադարանին, ներկայացվել է ուսումնական հաստատության գործունեության վերաբերյալ ճեպազրույց։
Հանդիպմանը հատկապես ընդգծվել է փոխայցելությունների և նմանատիպ հանդիպումների կարևորությունը գիտության և կրթության ոլորտում համագործակցության զարգացման տեսանկյունից։
Ադրբեջանի պատվիրակությունը ծանոթացել է ցուցահանդեսին, որտեղ ներկայացված են իրանական ռազմական արտադրանքը, այցելել հրամանատարաշտաբային ակադեմիա և Իրանի Զինված ուժերի գլխավոր շտաբի միջազգային համագործակցության վարչություն։
Հանդիպումների ընթացքում կողմերը մտքեր են փոխանակել ռազմական կրթության ոլորտի, երկկողմ հետաքրքրություն ներկայացնող մի շարք հարցերի շուրջ։
Էմմա Չոբանյան
