23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Ասեկոսե է»․ Միրզոյանի տեղակալը՝ ՀՀ-ում ՌԴ գործակալների առկայության մասին
Քաղաքականություն
18.01.2024 | 15:29
Արարատ Միրզոյանի տեղակալ Մնացական Սաֆարյանը ՀՀ-ում ռուսական գործակալների առկայության մասին տեղեկությունները «ասեկոսե» է համարում։
Այսօր կառավարության նիստից հետո պատասխանելով Factor.am-ի հարցին, որ փորձագիտական շրջանակները քննադատում են Սյունիքում ՌԴ հյուպատոսարան բացելու որոշումն ու այն համարում են ռիսկային՝ նշելով, որ ՀՀ-ում ընդլայնվում է ռուսական գործակալական ցանցը, փոխնախարարն ասաց․ «Ես ասեկոսեներ չեմ մեկնաբնում։ Հայ-ռուսական հարաբերությունները աշխատանքային, բարեկամական հարաբերություններ են»։
Հիշեցնենք՝ 2020 թվականին Կրեմլի քննադատ, ռուս խոշոր գործարար Միխայիլ Խոդորկովսկու կողմից ֆինանսավորվող «Դոսյե» կենտրոնը զեկույց էր հրապարակել՝ պնդելով, որ Ռուսաստանը գործակալներ ունի ՀՀ գրեթե բոլոր պետական կառույցներում։
ՀՀ ԱԱԾ-ն այս հրապարակումն ուսումնասիրում էր, սակայն, երբ Արգիշտի Քյարամյանը հեռացվեց ԱԱԾ տնօրենի պաշտոնից, հատուկ ծառայությունը հայտարարեց, որ դադարեցնում են այս զեկույցի հետ կապված որևէ գործընթաց։
Նարեկ Կիրակոսյան
