25.11.2024 | 16:23
Երևանում տեղի է ունենալու «Ընդդեմ ցեղասպանության հանցագործության» 5-րդ գլոբալ ֆորումը
Ալիևն ԱՄՆ դեսպանի հետ քննարկել է Հայաստանի և Ադրբեջանի միջև խաղաղության գործընթացը
Քաղաքականություն
18.01.2024 | 16:04
Ադրբեջանի նախագահ Իլհամ Ալիևն ԱՄՆ նորանշանակ արտակարգ և լիազոր դեսպան Մարկ Լիբիի հավատարմագրերն ընդունելուց հետո առանձնազրույց է ունեցել ամերիկացի դիվանագետի հետ։
Ադրբեջանի նախագահականի հաղորդմամբ՝ Ալիևը շնորհավորել է դեսպանին նշանակման կապակցությամբ և հաջողություն մաղթել աշխատանքում։
Լիբին իր հերթին ասել է, որ ջանք չի խնայի երկկողմ հարաբերությունների զարգացման համար։
«Հանդիպմանը մտքեր են փոխանակվել տարբեր ոլորտներում Ադրբեջանի և ԱՄՆ-ի միջև հարաբերությունների հեռանկարների, ինչպես նաև միջազգային և տարածաշրջանային խնդիրների շուրջ։ Անդրադարձ է կատարվել երկու երկրների տնտեսական և էներգետիկ ոլորտներում ու գործարար շրջանակների միջև համագործակցության հարցերին։ Զրույցի ընթացքում մտքեր են փոխանակվել Հայաստանի և Ադրբեջանի միջև հարաբերությունների կարգավորման ու խաղաղության օրակարգի շուրջ»,- ասվում է հաղորդագրության մեջ։
Նշվում է նաև, որ ԱՄՆ դեսպանն իր շնորհավորանքն է փոխանցել այս տարի Ադրբեջանում COP29 կլիմայական համաժողովն անցկացնելու կապակցությամբ։
Էմմա Չոբանյան
