23.07.2026 | 10:15
Յամալն ու Հոլանդը տրանսֆերային արժեքի ռեկորդ են սահմանել
Բլինքենը մոտ ապագայում Ուկրաինայում հրադադարի հեռանկար չի տեսնում
Քաղաքականություն
18.01.2024 | 16:27
ԱՄՆ պետքարտուղար Էնթոնի Բլինքենը հայտարարել է, որ ռուս-ուկրաինական հակամարտությունում շուտափույթ հրադադարի հեռանկարներ չի տեսնում՝ դրա համար մեղադրելով Մոսկվային, գրում է VOA-ն։
«Այս պահին ես դա չեմ տեսնում։ Մենք միշտ բաց ենք դրա համար, մենք ուշադիր հետևում ենք իրադարձություններին, քանի որ ուկրաինացի ժողովուրդը դա ցանկանում է ավելի, քան որևէ մեկը: Բայց Ռուսաստանի կողմից պետք է փոխգործակցության, բարեխղճորեն բանակցելու պատրաստակամություն լինի՝ հիմնվելով նրա ագրեսիայի հետևանքով կասկածի տակ դրված հիմնական սկզբունքների վրա՝ տարածքային ամբողջականություն, ինքնիշխանություն և անկախություն», – Դավոսում ասել է Բլինքենը New York Times-ի սյունակագիր Թոմաս Ֆրիդմանին:
«Երբ Ռուսաստանը պատրաստ լինի բանակցել այս ամենի հիման վրա, կգտնի ուկրաինացիների, ովքեր նույնպես դա կցանկանան և, իհարկե, կգտնի ԱՄՆ-ի և շատ այլ երկրների աջակցությունը»,- ասել է ամերիկյան դիվանագիտության ղեկավարը։
