15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
ԱՄՆ-ն նոր հարվածներ է հասցրել Եմենում հութիների թիրախներին
Քաղաքականություն
18.01.2024 | 11:24
ԱՄՆ-ն նոր հարվածներ է հասցրել Եմենում հութիների օբյեկտներին։ Այս մասին հայտնում է ԱՄՆ ԶՈւ-ի Կենտրոնական հրամանատարությունը X-ի իր էջում՝ նշելով, որ խոցվել է 14 հրթիռ, որոնք տեղակայված են եղել Եմենի հութիների կողմից վերահսկվող տարածքում և պատրաստ են եղել արձակման, փոխանցում է DW-ի ռուսական ծառայությունը։
Ըստ գրառման՝ գործողությունը տեղի է ունեցել «նավարկության ազատությունը պաշտպանելու և Կարմիր ծովում ԱՄՆ-ի ու գործընկերների՝ նավերի վրա հարձակումները կանխելու շարունակական բազմազգ ջանքերի համատեքստում»։
«Այդ հրթիռներն արձակման հարթակներում անմիջական վտանգ են ներկայացնում տարածաշրջանում ամերիկյան առևտրային նավերի համար և կարող էին արձակվել ցանկացած պահի, որն էլ Միացյալ Նահագների ԶՈՒ-ին մղել է օգտվել իր անօտարելի իրավունքից ու ինքնապաշտպանություն իրականացնել»,-հայտարարել է ԱՄՆ հրամանատարությունը։
Նշենք, որ հուվարի 17-ին ԱՄՆ նախագահ Ջո Բայդենի վարչակազմը հայտնել էր, որ Վաշինգտոնը հութիներին վերադարձրել է ահաբեկչական կազմակերպությունների ցուցակ։ Սպիտակ տան հաղորդմամբ՝ այս որոշումն ընդունվել է ի պատասխան եմենցի ապստամբների կողմից Կարմիր ծովում առևտրային նավերի վրա շարունակվող հարձակումների։ Այն ուժի մեջ է մտնելու 30 օրից։
