29.04.2024 | 10:08
ԱԺ պետական-իրավական հարցերի մշտական հանձնաժողովի նիստը՝ ՈՒՂԻՂ
«Վարդա» գիշերային ակումբի մոտ կատարված սպանության մեջ կասկածվում է ակումբի տնօրենը
06.08.2018 | 20:48
ՀՀ ոստիկանությունը նոր մանրամասներ է հայտնել Այնթափ գյուղում գտնվող «Վարդա» գիշերային ակումբի դիմաց կատարված սպանությունից: Ինչպես տեղեկացրին ՀՀ ոստիկանության հասարակայնության հետ կապի և լրատվության վարչությունից, ոստիկանության Մասիսի բաժին оգոստոսի 6-ի ժամը 5-ն անց 45-ին ահազանգ է ստացվել, որ Արտաշատի խճուղում դիակ կա։ Դեպքի վայր մեկնած ոստիկանության, նաև այլ իրավապահ կառույցների ծառայողները պարզել են, որ Այնթապ գյուղի բնակիչ, 28-ամյա Արթուր Սահակյանը սպանվել է։
Ոստիկանության քրեական հետախուզության գլխավոր, Արարատի մարզային վարչությունների և Մասիսի բաժնի ծառայողները համատեղ ձեռնարկել են ծավալուն հետախուզական միջոցառումներ։ Արդյունքում՝ պարզվել են դեպքի մի շարք հանգամանքներ՝ բացահայտելով առանձնապես ծանր հանցագործությունը։
Նախնական տվյալներով՝ Սահակյանի և մոտակայքում գտնվող «Վարդա» գիշերային ակումբի տնօրենի միջև, հենց ակումբի դիմաց, վեճ է տեղի ունեցել։ Այդ ընթացքում Սահակյանը գիշերային ակումբի տնօրեն, 34-ամյա Խաչատուր Արոյանին դանակով մի քանի անգամ հարվածել է։ Տնօրենը ևս դանակով հարվածել է Սահակյանին, ինչի հետևանքով վերջինս մահացել է, Արոյանն էլ մարմնական վնասվածքներով տեղափոխվել է բժշկական կենտրոն։
Հարուցվել է քրեական գործ։ Հանգամանքները քննությամբ պարզվում են:
