23.07.2026 | 13:14
Մարդկանց չի կարելի սենց ճնշել, չեն թողնում փողոց փակենք. Առինջ մոլի աշխատակից․ ՏԵՍԱՆՅՈՒԹ
Կիևը պնդում է, որ արևմտյան ընկերությունները 2,9 մլրդ դոլարի կարևոր բաղադրիչներ են մատակարարել ՌԴ-ին՝ չնայած պատժամիջոցներին
Քաղաքականություն
17.01.2024 | 21:58
2023 թվականի առաջին տասը ամիսներին արևմտյան ընկերությունները 2,9 միլիարդ դոլարի կարևոր բաղադրիչներ են մատակարարել Ռուսաստանին։ Ավելի քան 250 արևմտյան ընկերությունների արտադրանքը հայտնաբերվել է ոչնչացված կամ գրավված ռուսական զենքի նմուշներում: Այս մասին ասվում է «Երմակ-Մակֆոլ խմբի» նոր զեկույցում, որը հանձնարարականներ է մշակում Ռուսաստանի դեմ պատժամիջոցների վերաբերյալ, փոխանցում է BBC-ի ռուսական ծառայությունը։
Զեկույցում նաև նշվում է, որ թվային հսկողության տակ գտնվող հաստոցների ներմուծումը Ռուսաստան 2023 թվականի հունվար-հոկտեմբեր ամիսներին աճել է 33 տոկոսով՝ նախապատժամիջոցային ժամանակահատվածի համեմատ և կազմել 292 մլն դոլար։
Փորձագետները կոչ են անում միջոցներ ձեռնարկել, որպեսզի արտահանման վերահսկողությունը կանխի պատժամիջոցները շրջանցելու՝ ռուսական փորձերը։
Նշվում է, որ նման միջոցները պետք է ուղղված լինեն արտահանման վերահսկողության քաղաքականության մեջ բացերը վերացնելուն և երրորդ երկրների կողմից շրջանցելու փորձերին հակազդելուն:
Էմմա Չոբանյան
