26.06.2026 | 16:54
Մահացել է ՌԴ պաշտպանության նախկին նախարար Սերգեյ Իվանովը
Բաշկորտոստանում բողոքի ցույցերի ֆոնին ՌԴ-ում WhatsApp-ի աշխատանքում խափանումներ են գրանցվել
Քաղաքականություն
17.01.2024 | 17:41
Ռուսաստանի մի շարք շրջաններում հունվարի 17-ի առավոտյան խափանումներ են գրանցվել WhatsApp մեսենջերի աշխատանքի մեջ։ Downdetector ծառայության տվյալներով՝ մեսենջերի չաշխատելու մասին ամենաշատ հաղորդումները ստացվել են Բաշկորտոստանից՝ Ուֆայից (22%), Տույմազինից (6%) և Իշիմբայից (3%)։
WhatsApp-ի հետ կապված խնդիրների մասին հայտնել են նաև Մոսկվայի, Կազանի, Նիժնի Նովգորոդի և Սանկտ Պետերբուրգի բնակիչները։
Baza-ն Բաշկորտոստանում WhatsApp-ի խափանումը կապում է ակտիվիստ Ֆաիլ Ալսինովի դատավճռի դեմ բողոքի ակցիաների հետ, ով հունվարի 17-ին Բայմակ քաղաքի դատարանի կողմից մեղավոր է ճանաչվել ազգամիջյան ատելություն հրահրելու մեջ: Ալսինովը դատապարտվել է 4 տարի ժամկետով ազատազրկման ընդհանուր ռեժիմի գաղութում։
Ֆաիլ Ալսինովի դեմ գործը հարուցվել է Բաշկորտոստանի ղեկավար Ռադի Խաբիրովի պահանջով՝ 2023 թվականի ապրիլին բողոքի ցույցի ժամանակ ակտիվիստի ելույթի պատճառով։ Այն ժամանակ Ալսինովն բաշկիրերեն ասել էր «կարա խալիկ» արտահայտությունը, որը պայմանականորեն նշանակում է Ոսկե Հորդայի ֆեոդալներից կախված բնակչություն։ Նախաքննության ընթացքում անցկացված փորձաքննությունը որոշել է, որ այս արտահայտությունը համապատասխանում է «խաչի», «չուրկի», «թխամորթ» բառերի իմաստին։
