25.11.2024 | 16:10
Ադրբեջանի Մեջլիսի պատգամավորը Հայաստանի բյուջեն «ռազմականացված» է որակել
Անկարան և Բաքուն ռազմական համագործակցության ու տարածաշրջանային անվտանգության հարցեր են քննարկել
Քաղաքականություն
17.01.2024 | 16:54
Ադրբեջանի պաշտպանության նախարար Զաքիր Հասանովը հանդիպել է աշխատանքային այցով Բաքվում գտնվող Թուրքիայի ազգային պաշտպանության փոխնախարար Ջելալ Սամի Թյուֆեքչիի գլխավորած պատվիրակությանը։ Ադրբեջանի ՊՆ-ի հաղորդմամբ՝ հանդիպման ընթացքում Հասանովը նշել է, որ Բաքվի և Անկարայի միջև ռազմական համագործակցությունը, ինչպես նաև այլ ոլորտներում համագործակցությունն անշեղորեն զարգանում է։
Հատուկ ընդգծվել է, որ Ադրբեջանի և Թուրքիայի միջև ռազմավարական դաշնակցությունը կառուցված է բարեկամական և եղբայրական հարաբերությունների վրա։
Թյուֆեքչին գոհունակություն է հայտնել Ադրբեջան կատարած այցի կապակցությամբ։ Նշվել է փոխադարձ վստահության և աջակցության վրա հիմնված երկկողմ համագործակցության ընդլայնման կարևորությունը։
«Հանդիպմանը, որին մասնակցել են նաև Ադրբեջանում Թուրքիայի դեսպան Ջահիթ Բահչին և եղբայրական երկրի պաշտպանական արդյունաբերության ընկերությունների ղեկավարները, նշվել է ռազմական ապահովման ոլորտում համատեղ նախագծերի կարևորությունը։ Քննարկվել են ռազմական, ռազմատեխնիկական և այլ ոլորտներում երկկողմ համագործակցության հետագա ընդլայնումը, ինչպես նաև տարածաշրջանային անվտանգության հարցեր»,- ասվում է հաղորդագրության մեջ։
Էմմա Չոբանյան
