07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Տավուշի քրեական հետախույզներն ապօրինի ծառահատման դեպք են բացահայտել
17.01.2024 | 13:36
Հունվարի 14-ին ոստիկանության Տավուշի բաժնի քրեական հետախույզները, շարունակելով ապօրինի ծառահատումների դեմ պայքարի շրջանակում ձեռնարկվող միջոցառումները, Բերդ քաղաքում հերթական դեպքն են բացահայտել․ տեղեկացնում են ՆԳՆ ոստիկանությունից։
Ոստիկանները 32-ամյա մի բնակչի տան բակի ակնհայտ տեսանելի հատվածում նկատել են տարբեր տրամագծերի գերաններ։ Տղամարդը հայտնել է, որ հոկտեմբեր ամսին «Արծվաբերդի» անտառտնտեսության տարածքից ապօրինի հատել է տարբեր տեսակի ծառեր: Նա նաև իրավապահներին է ներկայացրել հայտնաբերված փայտանյութին չհամապատասխանող փաստաթուղթ։
Բերդ քաղաքի 32-ամյա բնակիչը ձերբակալվել է։ Նախաձեռնվել է քրեական վարույթ։
