23.07.2026 | 15:55
Մոսկվայի մարզում Սու-57 է կործանվել․ այն համարվում է ՌԴ սպառազինության ամենաժամանակակից կործանիչը
Մակրոնը հայտարարել է, որ Ֆրանսիան Ուկրաինայի հետ անվտանգության երաշխիքների համաձայնագիր է կնքելու
Քաղաքականություն
17.01.2024 | 16:07
Ֆրանսիան Ուկրաինայի հետ երկկողմ համաձայնագիր է կնքելու, որով նախատեսվում է օգնություն Ուկրաինային նոր հարձակման դեպքում։ Այս մասին հայտարարել է Ֆրանսիայի նախագահ Էմանուել Մակրոնը, փոխանցում է DW-ի ռուսական ծառայությունը։
Նա նշել է, որ փետրվարին մեկնելու է Ուկրաինա՝ պայմանագրի մանրամասները վերջնական համաձայնեցնելու։ Միաժամանակ, հունվարի 18-ին Փարիզ է ժամանելու Ուկրաինայի պաշտպանության նախարար Ռուստեմ Ումերովը։
Մակրոնը նաև ազդարարել է Կիևին զենքի նոր մատակարարումների մասին։ Ֆրանսիայի նախագահի խոսքով՝ առաջիկա շաբաթներին Ուկրաինա կուղարկվեն 40 հեռահար SCALP հրթիռներ և մի քանի հարյուր ռումբ։
«Մենք պատրաստվում ենք Ուկրաինային ավելի մեծ ռազմական օգնություն ցուցաբերել նրանով, ինչն անհրաժեշտ է իր երկինքը պաշտպանելու համար»,- հայտարարել է Ֆրանսիայի նախագահը մամուլի ասուլիսում։
Ուկրաինա ՌԴ ներխուժումից ի վեր Ֆրանսիան արդեն 1,7 մլրդ եվրոյի օգնություն է ցուցաբերել Կիևին։
Հիշեցնենք, որ ավելի վաղ Մեծ Բրիտանիան էր Ուկրաինայի հետ անվտանգության ոլորտի համաձայնագիր ստորագրել՝ հունվարի 12-ին Մեծ Բրիտանիայի վարչապետ Ռիշի Սունակի՝ Կիև կատարած այցի ժամանակ։ Համաձայնագիրն ուժի մեջ կմնա այնքան ժամանակ, քանի դեռ Ուկրաինան չի անդամակցել ՆԱՏՕ-ին։
Էմմա Չոբանյան
