23.07.2026 | 11:20
ԱՄՆ-ն Իրանին 12-րդ գիշերն անընդմեջ հարվածներ է հասցրել․ Թեհրանը հայտնել է Հորմուզի նեղուցում երեք լցանավեր կանգնեցնելու մասին
Չենք կարող թույլ տալ նույն սրացումը Լիբանանում, ինչ Գազայում. ՄԱԿ-ի գլխավոր քարտուղար
Քաղաքականություն
17.01.2024 | 14:47
ՄԱԿ-ի գլխավոր քարտուղար Անտոնիո Գուտերեշը հայտարարել է Լիբանանում իրավիճակի սրման մեծ սպառնալիքի մասին։ Նրա կարծիքով՝ պետք է ամեն ինչ անել, որպեսզի այս երկրում Գազայի հատվածում ռազմական գործողությունների նման իրավիճակի կրկնություն չլինի։
«Որքան երկար շարունակվի հակամարտությունը Գազայում, այնքան մեծ է էսկալացիայի և սխալ հաշվարկների վտանգը: Մենք չենք կարող տեսնել Լիբանանում այն, ինչ տեսնում ենք Գազայում: Եվ մենք չենք կարող թույլ տալ, որ շարունակվի այն, ինչ կատարվում է Գազայում»,- գրել է Գուտերեշը X սոցիալական ցանցում:
Նրա խոսքով՝ ՄԱԿ-ը պատրաստ է օգտագործել իր բոլոր ռեսուրսները՝ Լիբանանի շուրջ լարվածությունը թուլացնելու համար։
Հունվարի 7-ին իսրայելական լրատվամիջոցները հաղորդել են, որ «Հըզբոլլահ»-ի ավիահարվածները Մերոն լեռան վրա գտնվող Իսրայելի ռազմաօդային ուժերի բազայի վրա: Այնուհետև լիբանանյան շարժումը մոտ 40 հրթիռ է արձակել բազայի վրա։
Հունվարի 8-ին Իսրայելը հակահարված է տվել Լիբանանին։ Խոցված թիրախների թվում են գրոհայինների ռազմական համալիրը Մարվահինա շրջանում, ինչպես նաև հրթիռային կայան Այտա ալ-Շաբ շրջանում: Լիբանանի «Հըզբոլլահ» խմբավորման բարձրաստիճան հրամանատար Վիսամ ալ-Թավիլը սպանվել է Իսրայելի հարձակման հետևանքով:
Հունվարի 14-ին իսրայելական բանակը հայտարարել է լիբանանյան տարածքի վրա հարձակումների նոր շարքի մասին՝ թիրախավորելով «Հըզբոլլահ» շարժման ռազմական ենթակառուցվածքները։
