05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՍԱՊԾ պետը ընդունել է Հայաստանում ԱՄՆ դեսպանատան առևտրային կցորդ Քրիստոֆեր Էլիսին
06.08.2018 | 19:10
Սննդամթերքի անվտանգության տեսչական մարմնի ղեկավար Գեորգի Ավետիսյանն ընդունել է Հայաստանում ԱՄՆ դեսպանատան առևտրային կցորդ Քրիստոֆեր Էլիսին:
Ինչպես տեղեկացրին Սննդամթերքի անվտանգության պետական ծառայությունից, պարոն Էլիսը փոխանցել է Միացյալ Նահանգների կառավարության ոգևորությունը՝ «Կոդեքս Ալիմենտարիուսի» շրջանակներում միայն գիտական ստանդարտներով առաջնորդվելու սկզբունքին մեծ թվով երկրների աջակցության կապակցությամբ:
Պարոն Ավետիսյանը դրական է արձագանքել միայն գիտական մոտեցումներով առաջնորդվելու սկզբունքին՝ հայտնելով իր պատրաստակամությունը ցանկացած հարթակում պաշտպանելու այն:
«Կոդեքս Ալիմենտարիուս»-ի հանձնաժողովն այժմ պատրաստվում է շրջանառության մեջ դնել տարածաշրջանային փաստաթուղթ, և պարոն Էլիսը հույս է հայտնել, որ Հայաստանը կշարունակի ակտիվորեն ընդգրկվել քննարկումներում և խաղալ իր դրական դերը՝ գիտական մոտեցումներն առաջ տանելու հարցում:
