03.06.2026 | 13:28
ՌԴ-ն հայտարարել է, թե ԵՄ-ն Հայաստանից «դուրս է մղում Ռուս ուղղափառ եկեղեցուն»
Չինական բանկերը ՌԴ-ի դեմ սահմանափակումներ են մտցնում ԱՄՆ սպառնալիքներից հետո. Bloomberg
Քաղաքականություն
16.01.2024 | 15:12
Չինաստանի պետական բանկերը խստացնում են ռուս հաճախորդների ֆինանսավորման սահմանափակումները այն բանից հետո, երբ ԱՄՆ-ը խոստացավ երկրորդական պատժամիջոցներ կիրառել Ռուսաստանին օգնող կազմակերպությունների նկատմամբ: Այս մասին հաղորդում է Bloomberg-ը՝ հղում անելով իրավիճակին ծանոթ աղբյուրների։
Ըստ Bloomberg-ի՝ առնվազն երկու բանկեր վերջերս ստուգումներ են պատվիրել, մասնավորապես, ուշադրությունը կենտրոնացվել է անդրսահմանային գործարքների վրա:
Գործակալության աղբյուրների համաձայն՝ չինական բանկերը կխզեն հարաբերությունները պատժամիջոցների ցանկում հայտնված հաճախորդների հետ և կդադարեցնեն ֆինանսական ծառայություններ մատուցել ռուսական ռազմական հատվածին՝ անկախ արժույթից և գործարքների գտնվելու վայրից։
Նշվում է, որ չինացի վարկատուները մեծացնում են հաճախորդների նկատմամբ պատշաճ ստուգումները: Նրանք ստուգում են՝ արդյո՞ք իրենց ձեռնարկությունները, լիազորված շահառուները և վերջնական շահառուները գրանցված են Ռուսաստանում։
Ըստ նրանց՝ կստուգվեն նաև ոչ ռուս հաճախորդները, ովքեր բիզնես են վարում Ռուսաստանում կամ կարևոր ապրանքներ են մատակարարում երրորդ երկրների միջոցով։
