15.09.2026 | 13:42
Լարված իրավիճակ՝ Գյումրիի ավագանու նիստում․ Սիմոնյանը լքեց դահլիճը․ ՏԵՍԱՆՅՈՒԹ
Թրամփն Այովայում հաղթել է ներկուսակցական ընտրություններում
Քաղաքականություն
16.01.2024 | 14:52
Դոնալդ Թրամփը հաղթել է Այովայում կայացած ներկուսակցական ընտրություններում՝ առաջինը երկրում։ Հաղթանակը նախկին նախագահին հզոր մեկնարկ է տալիս Նյու Հեմփշիրի նախնական ընտրություններից առաջ հանրապետականների կողմից որպես նախագահի թեկնածու առաջադրվելու իր ձգտման համար, գրում է VOA-ն:
Թրամփի հաղթանակին՝ ձայների 51 տոկոսով, սպասում էին ամերիկյան բոլոր առաջատար լրատվամիջոցները։
Նոյեմբերին նախանշված ԱՄՆ նախագահական ընտրություններում Հանրապետական կուսակցությունից թեկնածու դառնալու համար պայքարում են նախկին նախագահ Դոնալդ Թրամփը, Ֆլորիդայի նահանգապետ Ռոն Դե Սանտիսը և ՄԱԿ-ում ԱՄՆ նախկին դեսպան Նիկի Հեյլին։
Երկրորդ տեղում է Ֆլորիդայի նահանգապետ Ռոն Դե Սանտիսը, որին աջակցում է հանրապետականների ավելի քան 21 տոկոսը:
Հարավային Կարոլինայի նախկին նահանգապետ Նիկի Հեյլիի օգտին քվեարկել է ընտրողների 19 տոկոսը, հայտնում է ABC News-ը։
