Քաղաքականություն
16.01.2024 | 12:51
Ամերիկյան «Ինտեր Մայամի» ակումբի և Արգենտինայի ֆուտբոլի ազգային հավաքականի հարձակվող Լիոնել Մեսսին ՖԻՖԱ-ի վարկածով ճանաչվել է 2023 թվականի լավագույն ֆուտբոլիստ։ Արգենտինացին առաջ է անցել Նորվեգիայի հավաքականի և անգլիական «Մանչեսթեր Սիթիի» հարձակվող Էրլինգ Հալանդից, ինչպես նաև Ֆրանսիայի ազգային հավաքականի և ֆրանսիական «ՊՍԺ» ակումբի հարձակվող Կիլիան Մբապեից, փոխանցում է DW-ի ռուսական ծառայությունը։
Մեսսիի ընտրությունը շատերի համար անակնկալ է եղել: Անցյալ տարի 36-ամյա արգենտինացին լքեց ՊՍԺ-ն՝ Ֆրանսիայի ամենատիտղոսակիր ակումբը և տեղափոխվեց «Ինտերի Մայամի»: Այս թիմը 2023 թվականին MLS-ի Արևելյան կոնֆերենցիայում՝ Միացյալ Նահանգների և Կանադայի լավագույն ֆուտբոլային լիգայում, զբաղեցրեց 14-րդ տեղը։
Չնայած դրան՝ երկրորդ տարին անընդմեջ Մեսսին արժանացավ ՖԻՖԱ-ի լավագույնի մրցանակին: Հոկտեմբերին նա դարձել էր նաև «Ոսկե գնդակի» ութակի դափնեկիր։
