07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Խաղաղության պայմանագրի նախագծի շուրջ առաջարկների փոխանակումն Ադրբեջանի հետ շարունակվում է․ Ալեն Սիմոնյան
Քաղաքականություն
15.01.2024 | 17:09
Ադրբեջանի հետ խաղաղության պայմանագրի նախագծում չկա մի կետ, որը նախատեսում է գործողություն միայն մեկ կողմի համար, բոլոր թեզերը վերաբերում են և՛ Հայաստանին, և՛ Ադրբեջանին:
«Արմենպրես»-ի հաղորդմամբ՝ խորհրդարանում լրագրողների հետ զրույցում այս մասին ասաց Հայաստանի ազգային ժողովի նախագահ Ալեն Սիմոնյանը:
Անդրադառնալով Ադրբեջանի նախագահ Իլհամ Ալիևի վերջին շրջանի հռետորաբանությանն ու հայկական կողմից դրան ի պատասխան հնչող արձագանքին՝ Սիմոնյանն ասաց, որ ոչ մի կտրուկ բան տեղի չի ունեցել, խաղաղության պայմանագրի նախագծի շուրջ առաջարկների փոխանակումը շարունակվում է:
Այնուամենայնիվ, Ալեն Սիմոնյանը նկատեց, որ Ադրբեջանի նախագահի հռետորաբանությունը հաճախ դուրս է բանակցությունների տրամաբանությունից։
Անդրադառնալով խաղաղության հնարավոր պայմանագրին՝ նա ասաց, որ բոլոր թեզերը վերաբերում են երկու կողմերին: «Պայմանագրի նախագծի մեջ չկա մի բան, որը վերաբերում է միայն մեկ կողմին: Օրինակ, երբ խոսքը զորքերի հետքաշման մասին է, խոսվում է հայելային հետքաշման մասին: Բոլոր թեզերը վերաբերում են և՛ Ադրբեջանին, և՛ Հայաստանին»,-ասաց նա:
Արձագանքելով Ադրբեջանի կողմից հնչող հայտարարություններին այսպես կոչված «Զանգեզուրի միջանցքի»-ի մասին՝ ԱԺ նախագահը վերահաստատեց, որ միջանցքի մասին կետ պայմանագրի նախագծում չկա և չի կարող լինել:
