01.11.2024 | 23:19
Հրդեհ Գյումրու տներից մեկում
ՌԴ և Իրանի ԱԳ նախարարները Մերձավոր Արևելքում լարվածության աճին և նախապատրաստվող «մեծ միջպետական համաձայնագրին» վերաբերող հարցեր են քննարկել
Քաղաքականություն
15.01.2024 | 18:25
ՌԴ ԱԳ նախարար Սերգեյ Լավրովն ու Իրանի ԱԳ նախարար Հոսեյն Ամիր Աբդոլլահիանն այսօր տեղի ունեցծ հեռախոսազրույցում քննարկել են նոր միջպետական համաձայնագրի նախապատրաստման ընթացքը և առևտրատնտեսական, տրանսպորտային, լոգիստիկ և այլ ոլորտներում երկկողմ համագործակցությանը վերաբերող հարցեր։
ՌԴ ԱԳՆ հաղորդագրության համաձայն՝ առանձնակի ուշադրություն է դարձվել Մերձավոր Արևելքում էսկալացիային։
«Արտաքին քաղաքական գերատեսչությունների ղեկավարները խստորեն դատապարտել են Եմենի տարածքում ԱՄՆ-ի և Մեծ Բրիտանիայի գլխավորած մի խումբ երկրների կողմից ձեռնարկված զանգվածային հարվածները։ Նախարարները կոչ են արել անհապաղ հրադադար հաստատել Գազայի հատվածում և ապահովել անարգել մարդասիրական մուտքը դեպի անկլավ՝ տուժած խաղաղ բնակչությանը շտապ օգնություն ցուցաբերելու համար»,- ասվում է հաղորդագրության մեջ։
Նշվում է, որ կողմերը քննարկել են նաև բոլոր մակարդակներում շփումների և համակարգման հետագա զարգացման խնդիրները՝ ընդգծելով ռուս-իրանական հարաբերությունների հիմնարար սկզբունքներին շարունակական փոխադարձ հավատարմությունը, այդ թվում՝ ինքնիշխանության, տարածքային ամբողջականության և ՄԱԿ-ի կանոնադրության այլ սկզբունքների հարգումը, որը պետք է հաստատվի ստորագրման նախապատրաստվող երկու երկրների միջև «մեծ միջպետական համաձայնագրում»։
Էմմա Չոբանյան
