01.05.2026 | 13:15
Ռոնալդու․ Կարիերայիս ավարտը մոտենում է
Ուկրաինայում պատերազմի սկսվելուց հետո ՌԴ-ում 273 քրեական գործ է բացվել «ռազմական կեղծիքների» վերաբերյալ
Քաղաքականություն
15.01.2024 | 15:18
Անցյալ տարի Ռուսաստանի Դաշնության Քրեական օրենսգրքի 207.3 հոդվածով (զինված ուժերի կիրառման մասին գիտակցաբար կեղծ տեղեկությունների հրապարակային տարածում) հարուցվել է 90 քրեական գործ։ Իսկ ընդհանուր առմամբ, 2022 թվականի մարտից, երբ ուժի մեջ է մտել «ռազմական ֆեյքերի» հոդվածը, արդեն իսկ հարուցվել է 273 գործ։ Այս մասին ՌԻԱ Նովոստիին տված հարցազրույցում ասել է ՌԴ Քննչական կոմիտեի ղեկավար Ալեքսանդր Բաստրիկինը։
«Դատարան է ուղարկվել 134 գործ 136 անձի վերաբերյալ»,- ասել է Բաստրիկինը։
OVD-Info նախագծի տվյալների բազայում («օտարերկրյա գործակալների» ռեգիստրում), որն անկախ հաշվարկ է իրականացնում, գրանցված է «ֆեյքերի» գործերով 261 անձ։
Ներխուժումից անմիջապես հետո հայտնված մեկ այլ հոդվածով՝ բանակը «վարկաբեկելու» մասին, հարուցվել է 81 քրեական գործ, դատարան է ներկայացվել 44 գործ։ Մինչդեռ, OVD-Info-ն տեղյակ է 155 ռուսաստանցիների մասին, ովքեր քրեական հետապնդման են ենթարկվում այս հոդվածով։
