23.07.2026 | 12:34
Սևանա լճի ջրածածկ տարածքի կառուցապատման պայմանագրից ծագող իրավունքը դադարեցվել է
Հրաբխի ժայթքում Իսլանդիայում․ լավան ոչնչացնում է Գրինդավիկ բնակավայրի տները
Քաղաքականություն
15.01.2024 | 13:25
Իսլանդիայի Գրինդավիկ ձկնորսական գյուղում հրաբխի լավան մոտենում է տներին։ Իսլանդայի նախագահ Գվիդնի Թորլասիուս Յոհաննեսոնը քաղաքացիներին նախազգուշացրել է Ռեյկյանես թերակղզում հրաբխի ժայթքման պատճառով ցնցումների ժամանակաշրջանի մասին, հաղորդում է Euronews-ը։
«Մենք չենք հանձնվի»,- հավելել է պետության ղեկավարը։
Մարդիկ, որոնք բնակվել են Գրինդավիկում, այժմ հետևում են, թե ինչպես է լավան ոչնչացնում իրենց տները։ Նախկինում հրաբխի շուրջ հողային ու քարե պատնեշներ էին կանգնեցվել, որոնք պետք է մագման հեռացնեին գյուղից, սակայն լավան ճեղքել է պատնեշները։
Independent-ի հաղորդմամբ՝ լավան արդեն առնվազն երեք տուն է այրել։ Երկրի վարչապետ Կատրին Յակոբսդոտտիրը կոչ է արել հանգստություն պահպանել և բնակիչներին հորդորել է ուշադիր լինել միմյանց նկատմամբ:
«Այսօր սև օր է Գրինդավիկի համար, այսօր սև օր է ամբողջ Իսլանդիայի համար, բայց արևը նորից կծագի»,- ասել է նա։
Հավելենք, որ բնակավայրից շուրջ 4000 մարդ է տարհանվել, վիրավորների կամ զոհերի մասին տեղեկություններ չկան։
Հրաբխի ժայթքումը սկսվել է կիրակի առավոտյան: Տարածաշրջանում արտակարգ դրություն է հայտարարվել։
Էմմա Չոբանյան
