Քաղաքականություն
15.01.2024 | 22:08
Հյուսիսային Կորեան հայտարարել է գերձայնային մարտագլխիկով միջին հեռահարության հրթիռների ստեղծման ոլորտում նոր առաջընթացի մասին, գրում է DW-ի ռուսական ծառայությունը։
«Կիրակի ԿԺԴՀ-ի հրթիռաշինության գլխավոր վարչությունն իրականացրել է կառավարվող մարտագլխիկով միջին հեռահարության գերձայնային բալիստիկ հրթիռի փորձարկում։ Արձակումը հաջող է իրականացվել»,- հայտնել են հյուսիսկորեական ԶԼՄ-ները։
Հաղորդագրության մեջ նշվում է, որ փորձնական արձակման նպատակն էր «հաստատել միջին հեռահարության գերձայնային կառավարվող մարտագլխիկի մանևրելու թռիչքի բնութագրերը և նոր ռեակտիվ շարժիչների հուսալիությունը»:
ԿԺԴՀ-ում հրթիռային փորձարկումները գրանցել են Հարավային Կորեայում և Ճապոնիայում։ Հյուսիսային Կորեայի զինվորականների տվյալներով, ենթադրաբար, միջին հեռահարության հրթիռը թռել է մոտ հազար կիլոմետր և ընկել Ճապոնական ծովում։
Հարավային Կորեան դատապարտել է փորձարկումը՝ այն անվանելով ՄԱԿ-ի բանաձևերի բացահայտ խախտում, որոնք Փհենյանին արգելում են ցանկացած հեռահարության բալիստիկ հրթիռներ փորձարկել: Նման հրթիռները կարող են համալրվել միջուկային մարտագլխիկներով։
