01.11.2024 | 23:19
Հրդեհ Գյումրու տներից մեկում
Ռիո դե Ժանեյրոյում արտակարգ դրություն է հայտարարվել․ ջրհեղեղը մարդկային կյանքեր է խլել
Քաղաքականություն
15.01.2024 | 17:32
Ռիո դե Ժանեյրոյում հորդառատ անձրևների հետևանքով առաջացած ջրհեղեղների հետևանքով 11 մարդ է զոհվել, հայտնում է G1 պորտալը՝ վկայակոչելով հատուկ ծառայությունների տվյալները։ Քաղաքում արտակարգ դրություն է հայտարարվել։
Հունվարի 13-ից 14-ը հորդառատ անձրևներ են տեղացել Ռիո դե Ժանեյրոյի հյուսիսային շրջանում: Դրանք հանգեցրել են գլխավոր մայրուղիների հեղեղման և կաթվածահար են արել հասարակական վերգետնյա տրանսպորտի և մետրոյի աշխատանքը։ Փրկարարների տվյալներով՝ 11 մարդու մահվան պատճառ են դարձել սողանքներն ու քաղաքի էլեկտրացանցերի կտրված լարերից էլեկտրահարումները։
Ռիո դե Ժանեյրոյի քաղաքապետ Էդուարդո Պաեսը կոչ է արել բնակիչներին անհարկի չլքել իրենց տները, քանի դեռ քաղաքում իրավիճակը չի կարգավորվել։
Քաղաքի օպերատիվ կենտրոնը հայտարարել է բնակչության համար տագնապի հնարավոր հինգ մակարդակներից երրորդը։
Բրազիլիայի քաղաքացիական պաշտպանության ծառայությունը ջրհեղեղ է գրանցել 30 մայրուղիներում և էլեկտրաէներգիայի անջատումներ տասնյակ շրջաններում: Մասնավորապես, առանց էլեկտրականության է մնացել Ռիո դե Ժանեյրոյի Հյուսիսային թաղամասի մեկ հիվանդանոց։ Փրկարարները նաև զգուշացրել են բարդ տեղանքով տարածքներում սողանքների բարձր ռիսկի մասին:
Մանրամասները՝ տեսանյութում։
