25.06.2026 | 20:31
Քարոզարշավի «գինը»․ ինչքան են ծախսել քաղաքական ուժերն ու ինչ «նվերներ» են ստացել. ՏԵՍԱՆՅՈՒԹ
Ուկրաինական ԶԼՄ-ները հայտնում են ՌԴ հետախուզական Ա-50 և Իլ-22 ինքնաթիռների խոցման մասին
Քաղաքականություն
15.01.2024 | 11:05
Ուկրաինական Զինված ուժերն Ազովի ծովի վրա խոցել են ռուսական Ա-50 հետախուզական ինքնաթիռը։ Այս մասին հայտնում են ուկրաինական լրատվամիջոցները՝ վկայակոչելով սեփական աղբյուներին։
Մասնավորապես, ՌԲԿ-Ուկրաինան հայտնում է, որ հունվարի 14-ին՝ ժամը 21:10-21:15-ի սահմաններում, Ա-50 ինքնաթիռը խոցվել է Զապորոժիեի Կիրիլովկայի տարածքում հերթապահության անցնելուց անմիջապես հետո: Ա-50-ն անհետացել է ռադարներից և դադարել պատասխանել մարտավարական ավիացիայի կապին, իսկ ավելի ուշ Ռուսաստանի ռազմաօդային ուժերի Սու-30 ինքնաթիռի օդաչուն հայտնաբերել է անհայտ ինքնաթիռի բռնկումը և վթարը:
Նշվում է նաև մեկ այլ ինքնաթիռի խոցման մասին։ Մասնավորապես, Իլ-22Մ11 ինքնաթիռը հերթապահել է Ստրելկովոյ շրջանում և, ի վերջո, խոցվել Ազովի ծովի ափին հունվարի 14-ին ժամը 21:00-ի սահմաններում: Խոցումից հետո ինքնաթիռը ծրագրել է Անապայում վայրէջք կատարել ու խնդրել է տարհանում՝ շտապօգնության և հրշեջ մեքենա կանչելով։
Աղբյուրը ՌԲԿ-Ուկրաինային տրամադրել է Անապայում ինքնաթիռի և օդանավակայանի հսկիչի խոսակցության գաղտնալսումը, որի հավաստիությունը պարզ չէ։
Ուկրաինայի և ՌԴ Զինված ուժերը պաշտոնապես այս մասին հայտարարություններ դեռևս չեն արել։
Էմմա Չոբանյան
