15.09.2026 | 15:25
Ռուս սահմանապահների դուրսբերումը կչեղարկի՞ Հայաստան-Թուրքիա սահմանը․ Էդգար Ղազարյանի պնդումն ու փաստաթղթերը
Հունվարի 21-ին կանցկացվի Հայաստանի արագ շախմատի առաջնության կիսաեզրափակիչ մրցաշարը
14.01.2024 | 14:02
Հունվարի 21-ին՝ ժամը 12:00-ին, Հայաստանի շախմատի ակադեմիայում կանցկացվի Հայաստանի շախմատի ֆեդերացիայի կողմից կազմակերպված Հայաստանի արագ շախմատի առաջնության կիսաեզրափակիչ մրցաշարը: Հայտնում են Հայաստանի շախմատի ֆեդերացիայից։
Մրցաշարը կանցկացվի շվեյցարական մրցակարգով, 9 խաղափուլով:
Ժամակարգը՝ 10 րոպե մինչև խաղի ավարտը՝ յուրաքանչյուր քայլի համար 5 վայրկյան հավելումով:
Մրցաշարում հաշվարկվելու են ազգային և միջազգային արագ շախմատի վարկանիշները: ՖԻԴԵ-ի նույնականացման համար ունենալը պարտադիր է (FIDE ID):
Մանակցության իրավունք ունեն Հայաստանի շախմատի ֆեդերացիան ներկայացնող առնվազն առաջին կարգ և մինչև 2300 ազգային վարկանիշ ունեցող շախմատիստները:
Մրցաշարում 1-ից 15-րդ տեղերը զբաղեցրած շախմատիստները իրավունք կստանան մասնակցելու Հայաստանի արագ շախմատի եզրափակիչ մրցաշարին, որը նվիրված կլինի Աշոտ Անաստասյանի հիշատակին:
Մրցաշարի կանոնադրություն՝ https://bit.ly/3TWVKE6
Գրանցման վերջնաժամկետն է հունվարի 19-ը:
