23.02.2026 | 17:53
Այցելեցի Տեր Օշինին․ Ռուբինյանը պնդում է՝ քահանայի ասածը Քրեական օրենսգրքով հետապնդելի է
Թուրքիան Հայոց ցեղասպանություն է իրականացրել. Իսրայելի ԱԳ նախարարը` Էրդողանին ի պատասխան
Քաղաքականություն
12.01.2024 | 20:15
Իսրայելի ԱԳ նախարար Իսրայել Կացն անդրադարձել է Թուրքիայի նախագահ Ռեջեփ Թայիփ Էրդողանի՝ Գազայում ցեղասպանության մեղադրանքներին։
«Թուրքիայի նախագահ Ռեջեփ Թայիփ Էրդողանը՝ երկրից, որն իրականացրել է Հայոց ցեղասպանությունն անցյալում, այժմ պարծենում է՝ անհիմն պնդումներով Իսրայելը թիրախավորելով։ Մենք հիշում ենք հայերին ու քրդերին։ Ձեր պատմությունն ինքնին խոսուն է: Իսրայելը պաշտպանում է, ոչ թե կործանում, ձեր բարբարոս դաշնակիցների դեմ»,- գրել է Իսրայելի ԱԳ նախարարը X-ի իր էջում։
Նշենք, որ Էրդողանն այսօր հայտարարել էր, թե Թուրքիայի կողմից ներկայացված ապացույցները կօգնեն Իսրայելին պատասխանատվության ենթարկել ՄԱԿ-ի միջազգային դատարանի կողմից «Գազայում ցեղասպանության իրականացման համար»:
Էմմա Չոբանյան
